Samu 8 - The Keyagana NT and 25 OT books

Vemo mafaʼneeʼmo ava gemo huʼniya gemae

¹ Ala kava neʼmo Ala kava netimogae, huʼna, ma mopafi muki haopalegatiʼmo ala kagikamo aliʼnane. Ha le konali yakamoʼmo kokuʼnate haneʼniya yaʼe vayaʼeʼmo ago aeno apakaseʼniye.

² Kagaemo muki aise mafaʼne anagaʼe nute mafaʼne anagaʼeʼmo lokiya vaika apateʼnanageʼapaeʼmo kagikaleʼmo aliʼa asaga nehayanageʼapaeʼmo kamekamogiʼe gekamo amagiʼa neʼatalaya vayaʼmogiʼeʼmo ge osuʼa afaʼa maigae.

^3-4 Nagaemo kokuʼnate yaʼmo kayatetiʼmo alo huʼnana yaʼmo kaiʼe muki kanefiʼeʼmo alo huka maleʼnana yafeʼmo nagesamo afiteʼnaeʼmo, ma mopafi vayaʼmo ina agufa vayanagi na kava higeka apakaefeʼmo kagesamo neʼafine. Na kava higeka vemo mafaʼnemo ha neʼmane.

⁵ Kagaemo vemo mafaʼnemo alika atege enisole vayaʼmo alika apatege huʼnanageʼapaeʼmo enisole vayaʼmogimo aise afinaʼmo aeʼa agaseʼa maiʼnae. Enisole vayaʼai apaiyafiʼmo alika ateteka ha le konali yaʼaʼe ala agiʼaʼeʼmo amiʼnane.

⁶ Kagaemo, alo huʼnova yateʼmo yagaika apato, huka ha paiteka muki yaʼe vayaʼeʼmo alika aiyafiʼmo apateʼnane.

^7-8 Muki sipisipigi pulumakagi afela afugi kokuʼnate namagi anipi noyamegi solovalapiʼmo umenitata nehaya yanagi huka alika aiyafiʼmo apateʼnane.

⁹ Ala kava neʼmo Ala kava netimogae, huʼna, ma mopafi muki haopalegatiʼmo ala kagikamo aliʼnane.