Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Samu 75 - The Keyagana NT and 25 OT books


Gotiʼa fatago kavaʼaletiʼmo agoti huno apatesiya gemae

1 O Gotiyo, huʼna, Lagaemo kagaefeʼmo kahaoke nehone. Kagaemo alagepa himamukaletiʼmo nehana kavakaletiʼmo lahaopaleʼmo maiʼnove, huka alika laveliʼnanaʼmofeʼmo kagaefeʼmo kahaoke nehone.

2 Gotiʼa hunoʼaeʼmo, Nagaemo lekana pai maleʼnova afinaʼmo fatago kavatetiʼmo agoti huʼna apategauve.

3 Imima aligekana huno mopaʼe muki ma mopafiʼmo maiʼnaya vayaʼeʼmo alino kanage kanage hisigeʼnaeʼmo nagaemo mopamo aepaʼaleʼmo atafausugeno lokiya vaino hanegaiye.

4 Nagaemo apakiʼapileʼmo aliʼa asaga nehaya vayaʼaifeʼmo hapa paiʼnaeʼmo, Lapakitapileʼmo alita asaga osiyo, huʼna hapa nepauve. Nagaemo ge noʼafiya vayaʼaifeʼmo hapa paiʼnaeʼmo, Himuʼnamu kavaʼmo osiyo.

5 Lapakaemo lokiya kavatapieʼmo lapamogaga oʼaitapa lapakaitapimo lapakitapileʼmo alita asaga hisaya agufa gemo osiyo, huʼna hapa paiʼnove.

6 Ala apaki alisaya kavaʼmo yegemo haine neʼeya haopalegatiʼmo afole oʼaige yegemo uno lamino nefaleya haopalegatiʼmo afole oʼaige hoga haopalegatiʼmo afole oʼaige huʼniye.

7 Afole noʼaiyaʼmonanafa Gotiʼa muki vayaʼmo alino fako huno apateteno mago vekamo alino afepiʼmo atege mago vekamo alino asaga huno atege nehiye.

8 Ala kava neʼmoʼa aipamo leno neʼapateya kavaʼamoʼmo nofi alagafati aniʼmo lusi kava huno lokiya vaiʼniya anikana huno haneʼniyanageno mago kapufiʼmo havaiteʼnigeno aliʼniye. Agaemo lakisigeʼapaeʼmo muki hosu vayaʼmogimo alagi neʼa hano huʼa atalegae.

9 Ina kava huʼa hosu vayaʼmogimo alagi afela hegayaʼmonanafa nagaemo muki afinaʼaeʼmo Yekopu Gotiʼamofeʼmo ava gemo hapa paige agaefeʼmo yokemo huʼna ala agiʼamo amige huguve.

10 Gotiʼa hosu vayaʼai lokiyaʼapimo alino hano huno atalegaiyaʼmonanafa agaemo fatago vayaʼai lokiyaʼapimo magoʼe huno alino lokiya vaino apategaiye.

© 2013, Wycliffe Bible Translators, Inc. All rights reserved.

Wycliffe Bible Translators, Inc.
ကြှနျုပျတို့နောကျလိုကျပါ:



ကြော်ငြာတွေ