Samu 70 - The Keyagana NT and 25 OT books

Mago vekamoʼmo Gotiʼa kame vayaʼaifeʼmo ha maesiyafeʼmo nunumuʼmo huʼniya gemae

¹ O Gotiyo, huʼna, Nagufamo alika katika nato. O Ala kava nene, huʼna, malage huka nagaemo naha mao.

² Kamitimo namagisayafeʼmo hapauʼnisiya vayaʼmogi apaipa apakesamo alika hosu huka apatalegenoʼa apavagage hino. Aliʼa hosu huʼa natesaya vayaʼmo kaʼapimo ataleʼa kafeʼmo ika ika huteʼa atagineʼa visayafeʼmo alika hapa faika apatalo.

³ Kagaemo kigi yokalo gemo huʼa neʼnataya vayaʼaina apavagage yaʼmo apamiyo. Apavagage hugiyaʼmofeʼmo nataleʼa ugae.

⁴ Muki vayaʼmogi kagesayafeʼmo kahauya nehaya vayaʼmogimo apamogaga aiʼa kagaefeʼmo amuse hiyo. Apakufamo alika katika apateʼnanaʼmofeʼmo kahao ke nehaya vayaʼmogi muki afinaʼmo huʼapaeʼmo, Goti agiʼaleʼmo magoʼe magoʼe hutapa alita asaga hiyo, huʼa hiyo.

⁵ O Gotiyo, huʼna, nagaemo afa vekamo maiʼneʼna kafu huʼna maiʼnovaʼmofeʼmo nagaetegamo malage huka eno. O Ala kava nene, huʼna, kagaemo naha maeka nagufamo alika katika nateʼnana vekaʼnimogae, huʼna, afaʼa oʼmaika malage huka nagaetegamo eka naha mao.