Samu 67 - The Keyagana NT and 25 OT booksAla agiʼamo amiyo, huno huʼniya gemae 1 Gotiʼa hau huno latege alino auleno latege alino maku huno lagege huno maino. 2 Ani kavaʼmo hisanageʼapaeʼmo muki ma mopafi vayaʼmogimo kaʼmo agesageka apakufamo alika katika apategane. 3 O Gotiyo, huʼna, muki alu nofi vaya alu nofi vayaʼmogimo kagikaleʼmo aliʼa asaga hiyo. Muki alu nofi vaya alu nofi vayaʼmogimo kagikaleʼmo aliʼa asaga hiyo. 4 Kagaemo fatago kavaʼmo huka alika fako huka apateteka muki alu nofi vaya alu nofi vayaʼaiteʼmo yagaika neʼapatanaʼmofeʼmo apamogaga aiteʼa yokemo hiyo. 5 O Gotiyo, huʼna, alu nofi vaya alu nofi vayaʼmogimo kagikaleʼmo aliʼa asaga hiyo. Muki alu nofi vaya alu nofi vayaʼmogimo kagikaleʼmo aliʼa asaga hiyo. 6 Ma mopafatiʼmo neʼyaʼmo ago afole aiʼnigenoʼaeʼmo Gotiʼa Gotitimoʼmo alino auleno lategaiye. 7 Gotiʼa alino auleno latesigeʼa muki ma mopafi vayaʼmogimo agaefekeʼmo koli hugae. |
© 2013, Wycliffe Bible Translators, Inc. All rights reserved.
Wycliffe Bible Translators, Inc.