Samu 6 - The Keyagana NT and 25 OT booksHaniʼilagamo havaeʼnenoʼaeʼmo nunumuʼmo huʼniya gemae 1 Ala kava nene, huʼna, ge neʼnahaisanagenoʼaeʼmo kaipamo nelesigeka ge oʼnahauvo. Kayoʼmo neʼnamisanagenoʼaeʼmo kaipamo nelesigeka kayoʼmo oʼnamiyo. 2 Lokiyaʼnimo alagi ohaneʼniyanagi kahau huka nato. Lokiyaʼnimo alagi ohaneʼnigeʼna atete nehuvanagi halate alika alagepa huka nato. 3 Nagupi mafaʼnemoʼmo lusi kava huno kana hauʼnigi na magi afinaʼmo maiteka naha maegane. 4 Ala kava nene, huʼna, aika afe leka nagetekaeʼmo hatu maeka nato. Falu kaipa vekamo maiʼneka kahau huka neʼapatana vekamo maiʼnanagi falisuva kavategatiʼmo nagupi mafaʼnemo alika katika nato. 5 Faliʼnaya vayaʼmogimo kagaefeʼmo apakesamo noʼafiye. Kanolufiʼmo maiʼnaya vayaʼmogi kagikaleʼmo aliʼa asaga huʼa nokatae. 6 Yulagefa neʼaugenoʼaeʼmo lusi kava huno alagaʼmo neʼnahae. Muki haniʼilagamo hipaʼnileʼmo havaeʼnogenoʼaeʼmo naunuʼmoʼmo hipaʼnileʼmo uno lamiʼnigenoʼaeʼmo lanitani nehiye. 7 Kame vayaʼnimo maiʼnagenoʼaeʼmo naunumo lamiʼnigeno naulagamo kosiʼnigeʼna ageʼna alagepa osuʼnove. 8 Aviʼyaʼmo nehuva geʼnimo Ala kava neʼmoʼa afiʼniyaʼmofeʼmo hosu kavaʼmo nehaya vayanagi nataletapa viyo. 9 Neyafeʼmo aukaya nehaya kava huʼna keya aeʼna nunumuʼmo huʼna ge nehugenoʼaeʼmo afiʼniyanageno afaʼa naha maegaiye. 10 Naha maesigeʼapaeʼmo muki kame vayaʼnimo apavagage hisigeʼa atete hugae. Apavagage hisigeʼa nataleʼa ugae. |
© 2013, Wycliffe Bible Translators, Inc. All rights reserved.
Wycliffe Bible Translators, Inc.