Samu 47 - The Keyagana NT and 25 OT books

Lapakaemo Gotiʼa muki ma mopafi vayaʼaiteʼmo yagaino neʼapateya vekamo agiʼaleʼmo alita asaga hiyo, huno huʼniya gemae

¹ Lapakaemo muki ve aʼnemogitapamo lapamogaga aita lapayaʼmo amagiyo. Gotiʼa kame vayaʼaina kamemo huno aeno apakaseʼniyaʼmofeʼmo agaefeʼmo alopa gefatiʼmo hiyo.

² Ala kava neʼmo hogote anaga vekamo maiʼniyanagi agaefeʼmo koli hiyo. Agaemo ala kini vekamoʼmo muki ma mopafi vayaʼaiteʼmo yagaino neʼapate.

³ Agaemo laha maesigeta muki alu nofi vayaʼeʼmo kamemo huta aeta apaka seteta apakaeteʼmo yagaigune.

⁴ Agaemo afaʼa maisuna mopamo lekana paino lamisigeta hau ayamopafiʼmo hauʼniya vayaʼmogitamo ani mopaleʼmo maiʼnetaeʼmo ala lagitimo aligune.

⁵ Gotiʼa kame huno aeno apaka seteno kokuʼnapiʼmo uno haiʼnigeʼa alopa gefatiʼmo huteʼa pikuliʼmo huʼnae.

⁶ Lapakaemo Goti agiʼaleʼmo alita asaga hutapa yokemo hiyo. Ala kini vekatimo agiʼaleʼmo alita asaga hutapa yokemo hiyo. He, agiʼaleʼmo alita asaga hutapa yokemo hiyo.

⁷ Gotiʼa kini vekamo maiʼneno muki ma mopafi vayaʼaiteʼmo neʼyagaiyaʼmofeʼmo ala agiʼamo amitetapa Samu yokemo hiyo.

⁸ Gotiʼa kini vekamo maiʼnenoʼaeʼmo muki nofi vayaʼiteʼmo neʼyagaiye. Gotiʼa kini siyaʼmo aote siyaʼaleʼmo fai maiʼniye.

⁹ Muki vayaʼmogi kini vayaʼapimo eʼa aliʼa anupa huʼnae. Emalehamu Gotiʼamo vayaʼamo eʼa aliʼa anupa huʼa maiʼnae. Gotiʼmo muki ami vayaʼmo aeno apaka seʼniyaʼmofeʼmo alagi hogote kini vekamo maiʼniye.