Samu 3 - The Keyagana NT and 25 OT books

Nevini mafaʼneʼamo Apasalomiʼa hafaino ataleʼnigenoʼaeʼmo Neviniʼmo nunumuʼmo huʼniya gemae

¹ Ala kava nene, huʼna, Vaehae, kame vayaʼnimo magoʼe magoʼe huʼa asole vayaʼmo afole aiʼnae. Asole vayaʼmo natale uʼa kame huʼa neʼnatae.

² Apakaemo nagaefeʼmo, Gotiʼa ha oʼmaegaiye, huʼa nehae.

³ Nehayaʼmonanafa Ala kava nene, huʼna, kagaemo haleguʼnimo maiʼnane. Kagaekeʼmo naha maeʼnanageʼna aeʼna neʼapakasove. Kagaekeʼmo alika he tika neʼnatana vekamo maiʼnane.

⁴ Nagaemo Ala kava nefekeʼmo alopa gefatiʼmo keya aeʼna ge nehugenoʼaeʼmo aote avele mono noʼafatiʼmo neʼafiye.

⁵ Muki haniʼilagamo hipaʼnileʼmo uʼna haiʼna nauʼmo nekalogenoʼaeʼmo Ala kava neʼmoʼa yagaino neʼnate.

⁶ Asole kame vayaʼnimogimo faiʼa vego huʼa neʼnatayaʼmonanafa koliʼapimo nosuve.

⁷ Ala kava neʼmo Gotiʼnimogae, huʼna, he tika nagufamo alika katika nato. Kagaemo muki kame vayaʼnimo kayoʼmo neʼapaminagenoʼaeʼmo lokiyaʼapimo alagi hano nehiyanageʼa oʼnahaegae.

⁸ Kagaekeʼmo lagufamo alika katika nelatane. Kagaemo vayakamo alika auleka apateʼnane.