Samu 15 - The Keyagana NT and 25 OT booksSeli mono noʼafiʼmo afaʼa uʼa haiʼa maisaya vayaʼaifeʼmo apava gemo huʼniya gemae 1 Ala kava nene, huʼna, haiya agufa vayaʼmogimo seli mono nokafiʼmo afaʼa uʼa haiʼa maigae. Haiya agufa vayaʼmogimo kaote aveleʼmo afaʼa uʼa haiʼa maigae. 2 Vaiʼmo oʼaliʼa he tiʼa umenitata huge fatago kavaʼmo huge apaipafatiʼmo lama gemo huge 3 huʼa faipa huʼa oʼapatege apao vayaʼaitegamo hosu kavaʼmo osuge hapaopaleʼmo maiʼnaya vayaʼaifenagi alu vayaʼaifenagi huʼa hosu faigoko gemo nehaya gemo oʼafige 4 Gotiʼa ohauʼniya vayaʼaifeʼmo, laulagaleʼmo ina agufa vayaʼmo maiʼnae, huʼa huge Gotifeʼmo koli nehaya vayaʼai apakiʼapileʼmo aliʼa asaga huʼa apatege Goti agiʼalefeʼmo ani kavaʼmo hugune, huʼa hapa nepaiya gemo akame hisayafeʼmo kana huʼnisiyana afaʼa akame huge 5 akamelegatiʼmo magoʼe monimo oʼalige vaiʼmo oʼapamiʼnaya vayaʼaitegamo hosu kavaʼmo hisayafeʼmo kutulu monimo ohagege huʼa neʼmaiya vayaʼmogimo uʼa haiʼa maigae. Aliʼa hapa ofaisageʼa ani agufa kavaʼmo nehisaya vayaʼmogimo muki afinaʼaeʼmo maige maige huʼa maigae. |
© 2013, Wycliffe Bible Translators, Inc. All rights reserved.
Wycliffe Bible Translators, Inc.