Samu 137 - The Keyagana NT and 25 OT books

Isaleli vayaʼmo uʼa alu nofi vayaʼai haopalegamo maiʼneʼapaeʼmo koʼapiyeʼmo aviʼyamo huʼnaya gemae

¹ Lagaemo Mamiloni vayaʼmogi ani haigifiʼmo itopaleʼmo maiʼnetaeʼmo Saiyoni kotegaeʼmo lagesamo afitetaeʼmo aviʼyamo huʼnone.

² Lagaemo gitatimo haopaleʼmo haneʼniya yosamo akopaleʼmo asai maleʼnone.

³ Apakaemo kalavusi huʼa lateteʼa lavaleliʼa eʼnaya vayaʼmogimo huʼapaeʼmo, Lagaefeʼmo yokemo hiyo, huʼa laha paiʼnae. Kagemiyatimo kumaya aliʼnaya vayaʼmogi huʼapaeʼmo, Lapamogaga aita Saiyoni kotefeʼmo mono yokemo hiyo, huʼa huʼnae.

⁴ Huʼnayaʼmonanafa haiya kava huta Ala kava neʼmo mono yokemo alu vayaʼai koteʼmo hugune.

⁵ Yulusalemu taoniyo, huʼna, nagaemo kagaefeʼmo nage kaniʼna katalesuvaʼmoʼmo lamaga nayatetiʼmo gita amagisuva kavaʼmo nage kanigiye.

⁶ Yulusalemu taoniyo, huʼna, kagaefeʼmo nage kaniteʼna nagesamo oʼafisuvaʼmoʼmo lugoʼnimoʼmo hosinageʼna halate yokemo afaʼa osuguve. Yulusalemu taonieʼmo lusi kava huʼna namogaga aiguve.

⁷ Ala kava nene, huʼna, Kagaemo Inomu vayaʼmogimo lagaeʼeʼmo kamemo huteʼa Yulusalemu taonifiʼmo eʼnaya afinaʼmo huʼnaya kavafeʼmo kage okanika kagesamo afiyo. Apakaemo ina gemo huʼapaeʼmo, Muki Yulusalemu taonimo heta halagape vaita alagi alita hosu huta ataleyo, alagi alita hosu huta ataleyo, huʼa huʼnae.

⁸ Mamiloni taonifi vayane, huʼna, mago kame vayaʼmogi eʼa alagi aliʼa hosu huʼa lapatalegae. Lagaetegamo huʼnaya hosu kavaʼmo anonatapilefeʼmo aeʼa atagaina huʼa hisaya vayaʼmo aulena vayaʼmo maigae.

⁹ Mago vekamoʼmo aise mafaʼne anagakamo apasagauno yaga auno apatalesigeʼa uʼa lamiʼa yafateʼmo alagi apamagino alino hosu huno apatalesiya vekamo aulena vekamo maigiye.