Samu 136 - The Keyagana NT and 25 OT books

Gotifeʼmo hao ke heʼa nehaya yokemae

¹ Ala kava neʼmo alagepa Gotiʼmo maiʼniyaʼmofeʼmo hao ke heyo. Agaemo muki afinaʼmo hau huno latege latege huno maigiyaʼmofeʼmo hao ke heyo.

² O, huʼna, Gotiʼa muki gotigimo Gotiʼapimoʼmo maiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

³ Ala kava neʼmoʼa muki ala kava vayaʼaiteʼmo yagaino neʼapate. Agaemo muki afinaʼmo hau huno latege latege huno maigiyaʼmofeʼmo hao ke heyo.

⁴ Agaemo magokeʼamokeʼmo noʼagona agufa alopa aune kavaʼmo nehiye. Agaemo muki afinaʼmo hau huno latege latege huno maigiyaʼmofeʼmo hao ke heyo.

⁵ Agaiʼamo afiteno ageʼniya kavaʼaletiʼmo muki kokuʼnaʼmo alo huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

⁶ Agaemo solovala aniʼmo afepilagamo hanesiyafeʼmo ma mopamo alo huno anagamo maleʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

⁷ Agaemo yegeʼeʼ kaiʼeʼmo alo huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

⁸ Agaemo yegemoʼmo kotisiya afinateʼmo yagaino atesiyafeʼmo alo huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

⁹ Agaemo kaimoʼe kanefiʼmogiʼeʼmo haniʼilaga afinateʼmo yagaiʼa atesayafeʼmo alo huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹⁰ Agaemo Isipi vayaʼai yege mafaʼne anagaʼapimo kamitimo apamagiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹¹ Apamagiteno Isaleli vayaʼmo Isipi vayaʼaitegatiʼmo apavalelino eʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹² Agaemo alopa lokiyaʼaletiʼmo apavalelino eʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹³ Agaemo solovala aniʼmo agiʼamo Haesa Solovala aniʼmo aino akaka vaeno lole huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹⁴ Agaemo solovala aniʼmo aino akaka vaeno lole huteno Isaleli vayaʼmo apavalelino eʼnigeʼa solovala aniʼmo lakaeʼnae. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹⁵ Agaemo vayaʼamo hapa maeʼniyaʼmonanafa Isipi kini vekaʼe ati vayaʼaʼeʼmo apamagiteno solovala anipiʼmo aeno apati kaeʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹⁶ Agaemo vayaʼamo kaʼme kotegamo alagepa huʼa visayafeʼmo yagaino apateʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹⁷ Agaemo lokiya kini vayaʼmo kamitimo apamagiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹⁸ He, agaemo ala apaki kini vayaʼmo kamitimo apamagiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

¹⁹ Agaemo Amolaita vayaʼmogi kini vekamo Saihaniʼmo kamitimo amagiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

²⁰ Agaemo Mesani kotegamo kini vekamo Agiʼmo kamitimo amagiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

²¹ Agaemo ani kini vayaʼai mopamo afole aisaya vayaʼaitefeʼmo vayaʼamo alino apamiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

²² Agaemo ani mopamo afole aisaya vayaʼaitefeʼmo aliʼyaʼamo neʼaliya Isaleli vayaʼaina apamiʼniye. Agaemo muki afinaʼmo hau huno latege latege huno mai giyaʼmofeʼmo hao ke heyo.

²³ Agaemo alopa kana yaʼmo aliʼnona afinaʼmo lagaefeʼmo age okanino agesamo afiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

²⁴ Agaemo kame vayatimogi apayapatiʼmo lagufamo alino katino lateʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

²⁵ Agaemo muki vayaʼaina neʼyaʼmo apamige afu anagaʼaina apamige nehiye. Agaemo muki afinaʼmo hau huno latege latege huno maigiyaʼmofeʼmo hao ke heyo.

²⁶ O, huʼna, Kokuʼnapiʼmo maiʼniya Gotifeʼmo hao ke heyo. Agaemo muki afinaʼmo hau huno latege latege huno maigiyaʼmofeʼmo hao ke heyo.