Samu 133 - The Keyagana NT and 25 OT books

Mono notegamo neʼvaya vayaʼmogi kateʼmo neʼuʼapaeʼmo nehaya yokemae.

¹ Apakeyo, huʼna, Goti konaga vayaʼamogimo magoke apaipa apakesamo aliteʼa alagepa huʼa magokepi lokaeʼa maisaya kavaʼapimoʼmo alagepa kavaʼmo amuse hisaya kavaʼmo haneʼniye.

² Mani agufa alagepa kavaʼmoʼa alagepa atumo neʼaiya uvelimo alopa monileʼyaʼmo aeno agaseʼniya uvelimo Gotiʼa aliʼyaʼamo alisayafeʼmo lekana paino apateʼniya vayaʼai apakufaleʼmo lakiʼa neʼapataya uveligana huno haneʼniye. Eloniʼa hogote vekamo mono huno neʼapateya vekamo agenopafiʼmo ani agufa uvelimo lakiʼa ateʼnageno emineno avenanapa ayokatetiʼmo yatala kukenaʼamo atupaleʼmo uno lamino kasaeʼniye.

³ Alagepa huʼa magokepi lokaeʼa neʼmaiya kavaʼmoʼa netepiʼmo Hemoni aveleʼe Saiyoni aveleʼeʼmo kahauleʼmo lao yaʼmo emineno nehaneya lao yakana huno haneʼniye. Gotiʼa magoke apaipa apakesamo aliteʼa alagepa huʼa magokepi lokaeʼa neʼmaiya vayaʼmo alino auleno apateʼniyanageʼa alagepa huʼa maige maige huʼa maigae.