Samu 129 - The Keyagana NT and 25 OT books

Isaleli vayaʼmogimo Gotiʼa kame vayaʼapimo alino hosu huno apatalesiyafeʼmo nunumuʼmo huʼnaya gemae

Mono notegamo neʼvaya vayaʼmogi kateʼmo neʼuʼapaeʼmo nehaya yokemae.

¹ Isaleli vayaʼmogimo huʼapaeʼmo, Muki afinaʼmo kame vayatimogimo neya vayaʼmo maiʼnona afinatetiʼmo aliʼa hosu huʼa lateme lateme eʼa hemeniʼeʼmo aliʼa hosu huʼa nelatae, huʼa hugae.

² He, huta, muki afinaʼmo kame vayatimogimo vayaʼmo aepa faita maiʼnona afinatetiʼmo aliʼa hosu huʼa lateme lateme neʼayaʼmonanafa apakaemo aeʼa nolagasae.

³ Apakaemo lusi kava huʼa lakamelegamo lagaʼmulale huʼnaya kavaʼmoʼa lagufamo aiʼa atalagauʼnae. Apakaemo hoyafiʼmo ani nekafiya agufa kavaʼmo huʼnageno asole yatala lamuʼmo laleʼniye.

⁴ Huʼnayaʼmonanafa Ala kava neʼmo alagi fatago vekamoʼmo hosu vayaʼmogi kiʼa lateʼnaya nofiʼmo hatagauʼniye.

⁵ Apateʼnigeta lagaemo Saiyoni kofeʼmo apaini nehaya vayaʼmo aeta apaka seta apavegala aesunageʼa halate koʼapilegamo viyo.

⁶ Apateʼnegeʼa apakaemo nokato muleʼmo kahaumo nelagiya agufa kava huʼa maiyo. Apakaemo nokatomule kahaumo malage huno vaisiye.

⁷ Mago vekamoʼmo ani kahaumo alino anupa huno hayaeno alinino oʼugiye.

⁸ Fiku yanageʼa mago vayaʼmogimo eʼa lapakaemo lagae kame vayaʼmogi lapakeʼnayana hoyatapifatiʼmo neʼyaʼmo neʼaligeʼa lapaketeʼa lapa paiʼapaeʼmo, Ala kava neʼmoʼa alino auleno lapateno. Lagaemo Ala kava neʼmo agiʼaletiʼmo lapakaemo alita auleta lapategaune, huʼa hugae. Haʼao, alino auleno lapatesiya yaʼmo lapakaeteʼmo oʼmegaiye.