Samu 128 - The Keyagana NT and 25 OT books

Mono notegamo neʼvaya vayaʼmogi kateʼmo neʼuʼapaeʼmo nehaya yokemae.

¹ Muki vayaʼmogi Ala kava nefekeʼmo koli huge agae kateʼmo uge huʼa maiʼnaya vayaʼmogimo aulena vayaʼmo maiʼnae.

² Kagaemo hoyakafatiʼmo neʼyaʼmo alika netekaeʼmo kamogaga aika alagepa huka maigane.

³ Akamoʼmo asole alagamo neʼaeya nofikana huno nokafiʼmo maigiye. Mafaʼne anagakamogimo saufa olivi yosagana huʼa maiʼneʼa hiʼyalamukaleʼmo faiʼa vego huʼa kategae.

⁴ Afiyo, huʼna, Ala kava nefekeʼmo koli nehaya vayaʼmogimo aulena vayaʼmo maigae.

⁵ Ala kava neʼmoʼa Saiyoni taonifatiʼmo alino auleno kateno. Muki afinaʼmo ma mopafiʼmo maiʼnekaeʼmo Yulusalemu taonifiʼmo maiʼnaya vayaʼmo apakesanageʼapaeʼmo alagepa huʼa maigae.

⁶ He, kagaemo mafaʼnekamogimo aliʼa apatesaya mafaʼnemo afaʼa apakesanafeʼmo Gotiʼa kaha maeno. Isaleli vayaʼmo alagepa huta maiyo.