Samu 127 - The Keyagana NT and 25 OT books

Mono notegamo neʼvaya vayaʼmogi kateʼmo neʼuʼapaeʼmo nehaya yokemae.

¹ Ala kava neʼmoʼa hapa oʼmaesiyaʼmoʼmo noʼmo nekiya vayaʼmogimo afa aliʼyakeʼmo aliteʼa noʼmo okigae. Ala kava neʼmoʼa hapa oʼmaesiyaʼmoʼmo taonifiʼmo yagaiʼnaya vayaʼmogi afaʼageʼmo yagaiʼnisagenoʼaeʼmo taonifiʼmo hosu kavaʼmo afole aigiye.

² Lapakaemo kotilamiyapiʼmo lapaupatiʼmo he titapa aliʼyaʼmo alime alime uta haniʼilagamo notapilegamo eta avaʼyi hutetapaeʼmo lapaipamoʼmo falu osuʼnigetapa afa aliʼyaʼmo aliʼnagenoʼaeʼmo neʼyaʼmo afole noʼaiye. Alagepa yatapimo afole noʼaiyaʼmonanafa hau ayamopafiʼmo hauʼniya vayaʼamo fiku hapa maeno neʼapamigeʼapaeʼmo apau nekalae.

³ Afiyo, huʼna, Ala kava neʼmoʼa agaiʼageʼmo mafaʼne anagaʼapimo neʼapamiye. Mafaʼneʼapimo alagepa miyakana huno neʼapamiye.

⁴ Ati vekamoʼmo asole kevemo aliteno maiʼnisiyaʼmoʼmo alagepa huno maisiya kava huno neya vekamoʼmo mafaʼnemo alino apatesiyaʼmoʼmo ani kava huno alagepa huno maigiye.

⁵ Asole kevemo maleʼnaya vayaʼmo maiʼnaya kava huʼa asole mafaʼnemo aliʼa apateʼnaya vayaʼmogimo apamogaga aigae. Kame vayaʼapimogimo agoti huʼa apatesageʼapaeʼmo ge huʼa aeʼa apakasegae.