Samu 126 - The Keyagana NT and 25 OT books

Mono notegamo neʼvaya vayaʼmogi kateʼmo neʼuʼapaeʼmo nehaya yokemae.

¹ Ala kava neʼmoʼa hatu maeno lateteno Saiyoni kotegamo lavalelino eʼnigetaeʼmo alagamuna agegekana huta maiʼnone.

² Lusi kava huta kigi huteta lamogaga aita yokemo huʼnone. Alu nofi vayaʼmogimo huʼapaeʼmo, Ala kava neʼmoʼa lusi kava huno hapa maeʼniye, huʼa huʼnae.

³ He, lusi kava huno laha maeʼnigeta lamogaga aiʼnone.

⁴ Aniʼmo leno laneʼniya kalokalopafiʼmo koʼmo aiʼnigenoʼaeʼmo aniʼmo uno lamiʼnigeʼapaeʼmo apamogaga neʼaiya kava huta vayatimo hatu maeka apategetao lamogaga aino.

⁵ Avina yaʼmo nehakalaya vayaʼmogimo apaunumo uno nelamiyanageʼa henagaʼamo neʼyaʼmo aliteʼapaeʼmo apamogaga aigae.

⁶ Mago vekamoʼmo alopa monileʼyaʼmo aeno agaseʼniya avina yaʼmo hakalesiyafeʼmo alinino uʼnigenoʼaeʼmo aunumo uno nelamisiyaʼmoʼmo neʼyaʼamo alitenoʼaeʼmo amogaga aime aime egaiye.