Samu 125 - The Keyagana NT and 25 OT books

¹ Ala kava nefekeʼmo aliʼa amufa neʼamiya vayaʼmogimo Saiyoni avegana huʼa maiʼnae. Saiyoni avemoʼmo kanage osuno lokiya vaino nehaneya kava huʼa maiʼnae.

² Avemoʼmo Yulusalemu taonimo faino vego huno ateʼniya kava huno Ala kava neʼmoʼa vayaʼamo faino vego huno neʼapateyanageno muki afinaʼaeʼmo faino vego huno apategaiye.

³ Hosu vayaʼmogimo muki afinaʼmo alagepa vayaʼai mopaleʼmo yagaiʼa oʼapategae. Alagepa vayaʼmogimo hosu kavaʼmo osisayafeʼmo muki afinaʼmo hosu vayaʼmogi yagaiʼa oʼapategae.

⁴ Ala kava nene, huʼna, gekamo akame nehaya vayaʼaitegamo kanale kavaʼmo huvo.

⁵ Ala kava neʼmoʼa alagepa kaʼmo ataleʼa kayagi kayaga kateʼmo neʼvaya vayaʼmo apavalelino visigeʼa hosu kavaʼmo nehaya vayaʼeʼmo magokepi lokaeʼa ugae. Isaleli vayaʼmogitapae, huʼna, Ala kava neʼmoʼa lapa maenagetapa yuna lapaipamo kalita maiyo.