Samu 120 - The Keyagana NT and 25 OT books

Mono notegamo ugefeʼmo neʼvaya vayaʼmogi kateʼmo neʼuʼapaeʼmo nehaya yokemae.

¹ Nagaemo kana yaʼmo aliʼnova afinaʼmo Ala kava nefekeʼmo alopa gefatiʼmo ge huʼna ha paiʼnogeno afiʼniye.

² O Ala kava nene, huʼna, Apakaemo aigofe gemo huge humi apatege nehayanagi nagupi mafaʼnemo alika katika ato.

³ Aigofe vayaʼmogitapae, huʼna, anonatapilefeʼmo na agufa yaʼmo aligae. Gotiʼa lapakaetegamo haiya agufa kavaʼmo hugiye.

⁴ Lokiya vekamoʼmo akoʼya keveletiʼmo lahapaegaiye. Hokanufa atamoʼmo leno lapasagaligiye.

⁵ Kage kage nehuve. Nagaemo kalaga hageʼna eʼna hosu vayaʼeʼmo magokepi lokaeʼna maiʼnove. Meseki nofi vayaʼe Keta nofi vayaʼeʼmo magokepi lokaeʼna maiʼnove.

⁶ Nagaemo lusi yatala afinaʼmo kame hisaya vayaʼeʼmo magokepi lokaeʼna maiʼnova kavaʼmoʼmo alagi kanale osiye.

⁷ Nagaemo, alagepa huta magokepi lokaeta maigune, huʼna hapa paiʼnovaʼmonanafa apakaemo kame hisaya kavafekeʼmo hapauʼniye.