Samu 114 - The Keyagana NT and 25 OT books

Gotiʼa vayaʼamo Haesa Solovala anipatiʼmo himamuʼaletiʼmo apavalelino uʼniya kavafeʼmo apakesamo afisaya yokemo huʼniya gemae

^1-2 Akeyaʼvilagamo Isaleli vayaʼmo Isipi kotegatiʼmo ataleʼa uʼnaya afinaʼmo uʼa muki aliʼnaya mopamo Gotiʼmo aote mopaʼamo alino hamaleno ateʼniye. Apakaemo alu apakemo neʼaiya vayaʼaitegatiʼmo ataleʼa uʼnageno Gotiʼa Isaleli vayaʼaiteʼmo yagaino apateʼniye.

³ Gotiʼa Haesa Solovala anipiʼmo visaya kaʼmo valino apateʼnigeʼa aniʼmo folagapatiʼmo uʼnae. Uʼa Yoneni aniteʼmo avaʼyi huʼnageno aniʼmo magoʼe huno uno olamiʼniye.

⁴ Alopa avemogimo ve sipisipi anagaʼmogimo aeʼa hailo hailo nehaya agufa kavaʼmo huge aise avemogimo aikeli sipisipi anagaʼmogimo aeʼa hailo nehaya agufa kavaʼmo huge huʼnae.

⁵ Solovala Anine, huʼna, Na agufa kavaʼmo afole aiʼnigekaeʼmo kagaemo kaune heʼnane. Yoneni Anine, huʼna, na kava higekaeʼmo uka olamiʼnane.

⁶ Avemogitapae, huʼna, Na kava higetapaeʼmo ve sipisipi anagaʼmogimo nehaya agufa kava huta aeta hailo hailo huʼnae. Aise avemogitapae, huʼna, na kava higetapaeʼmo aikeli sipisipi anagaʼmogimo aeʼa hailo nehaya agufa kavaʼmo huʼnae.

⁷ Mopamogae, huʼna, Ala kava neʼmoʼmo emineʼniyanagi koli huteka ateteʼmo huvo. He, Yekopu vayaʼmogi Gotiʼapimo emineʼniyanagi kamoʼyamo aiyo.

⁸ Agaemo yafaʼmo alino hamaleʼnigeno ani kotuʼmo afole aiʼniye. Lokiya yafaʼmo aino apalo atiʼnigeno meti aniʼmo eno haineʼniye.