Samu 111 - The Keyagana NT and 25 OT books

Lagaemo Ala kava neʼmo agiʼaleʼmo alita asaga hugune, huno huʼniya gemae

¹ Ala kava neʼmo agiʼaleʼmo alita asaga hiyo. Nagaemo muki naipafatiʼmo fatago vayaʼmo aliʼa anupa huʼa maiʼnayategamo Ala kava neʼmo agiʼaleʼmo aliʼna asaga huguve.

² Ala kava neʼmoʼa aliʼyaʼmo neʼaliya kavaʼmo lusi kavane. Aliʼyaʼamo neʼaliya kavafeʼmo amuse huʼa neʼataya vayaʼmogi alagepa huʼa agesayafeʼmo lekana paiteʼa apaipa apakesafiʼmo aliʼa neʼmalae.

³ Aliʼyaʼamo neʼaliya kavaʼmo ala agi kavaʼmo ha le konali kavaʼmo haneʼniye. Inagi fatago kavaʼamoʼmo muki afinaʼaeʼmo hanege hanege huno hanegaiye.

⁴ Ala kava neʼmoʼa alopa alagepa kavaʼmo huʼnigeʼa hapau aiʼnaya kavafeʼmo apake okaniʼa apakesamo afisayafeʼmo alino he tino apateʼniye. Agaemo fiku hapa maeno apamige hau huno apatege huno maiʼniye.

⁵ Agaemo agaefeʼmo koli nehaya vayaʼmo neʼyaʼmo neʼapamiye. Muki afinaʼmo kotalake geʼaeʼmo agesamo neʼafiye.

⁶ Agaemo alu nofi vaya alu nofi vayaʼmogi mopaimo alino agaiʼa vayaʼaina apamiʼniya kavatetiʼmo aliʼyaʼamo lokiyaʼamo alino apave liʼniye.

^7-8 Ayatetiʼmo aliʼa amufa amisayafeʼmo lamage aliʼyaʼmo neʼaliye. Muki keʼaepa gemoʼmo lokiyaʼamo hanesigeno hanege hanege huno hanegaiye. Agaemo lama geʼaletiʼe fatago kavaʼaletiʼeʼmo polomasi gemo huʼniya kavaʼmo alagi hugiye.

⁹ Agaemo vayaʼalefeʼmo miya faino hatu maeno apateteno kotalakemo hano osisiya kotalakemo apakaeʼeʼmo hu maleʼniye. Aote agiʼamo haneʼnigeno agaefeʼmo koli hisaya kavaʼmo neʼapamiya Gotiʼmo maiʼniye.

¹⁰ Ala kava nefeʼmo koli nehisaya vayaʼmogi aepa nefaiyanageʼa afiteʼa agegae. Agiʼaleʼmo aliʼa asaga huʼa neʼataya kavaʼmo hanege hanege huno hanegaiye.