Samu 11 - The Keyagana NT and 25 OT books

Gotiʼa alino fako huno neʼapateya kavafeʼmo huʼniya gemae

¹ Nagaemo hakumo alino ataleno yagaino natesiyafeʼmo Ala kava nefeʼmo aliʼna amufa amiʼnovaʼmofeʼmo na agufa gemo hutapaeʼmo, namagana huka avelegamo halelika kaune ho, hutapa naha paigae.

² Ago, hosu vayaʼmogimo alagepa apaipa vayaʼmo hapaesayafeʼmo atiʼapimo yagaiteʼa kevemo aliʼa yagailiʼa haniʼilagamo neʼvae.

³ Faino ateʼniya yaʼmo aliʼa halagape vaiʼa atalesayana alagepa vayaʼmogimo na agufa kava hugae.

⁴ Gotiʼa kokuʼnapiʼmo maiʼnenoʼaeʼmo aote mono noʼafiʼmo fai maiʼniye. Gotiʼa yagaino neʼapateya siyateʼmo fai maiʼnenoʼaeʼmo ma mopafi muki vayaʼmo apakeno alagepa huno apakeʼneno alino fako huno neʼapate.

⁵ Ala kava neʼmoʼa alagepa vayaʼmo apamalageka nehiyaʼmonanafa hosu vayanagi vayaʼmo apamagisayafeʼmo hapauʼniya vayaʼenagi huno agupi mafaʼnefatiʼmo aini huʼniye.

⁶ Agaemo apakaetegamo ko aigekana huno aneʼai nofikana yaʼmo yaga augiye. Atagi ata neleya yafanagi amuko yasimogi huno hetamaʼapimo haneʼniye.

⁷ Na agufa kavafeʼmo hauʼniyanagenoʼaene. Ala kava neʼmo fatago vekamo maiʼnenoʼaeʼmo fatago kavafekeʼmo hauʼniyaʼmofeʼmae. Alagepa kavaʼmo nehaya vayaʼmogimo uʼa haiʼa augosafiʼmo agegae.