Samu 100 - The Keyagana NT and 25 OT books

Hao ke hetetapa ala agiʼamo amiyo, huno huʼniya gemae

¹ Ma mopafi muki haopalega maiʼnaya vayaʼmogitapamo lapamogaga aitetapa Ala kava nefekeʼmo alopa gefatiʼmo hiyo.

² Ala kava neʼmo agiʼalefeʼmo mono nehutapaeʼmo lapamogaga lapamagaga aita maiyo. Yokemo hutetapaeʼmo agaemo maiʼniya yategamo eta maiyo.

³ Agetapa aeto hutetapaeʼmo Ala kava nefeʼmo, Gotiʼmae, hutapa hiyo. Lagaemo lagaitimo alo osuʼnopa agaiʼamo alo huno lateʼniyaʼmofeʼmo lagaemo agaiʼa vayaʼmo maiʼnone. Lagaemo vayaʼamo maiʼneta sipisipiʼamo agae kegiʼyafiʼmo haita maiʼnonagenoʼaeʼmo yagaino lateʼniye.

⁴ Kahao ke nehone, hutapa hume hume neʼutapaeʼmo mono noʼamo yafa lafi kegiʼya kate kipatetiʼmo uta haiyo. Mono no kumaʼaleʼmo neʼutapaeʼmo agiʼaleʼmo alita asaga hume hume viyo. Hao ke hetetapa agiʼalefeʼmo alita aulena ateyo.

⁵ Ala kava neʼmo alagepa vekamo maiʼniyaʼmofeʼmae. Agaemo lagaefeʼmo hau ayamopafiʼmo haume haume neʼviya kavaʼamoʼmo hauno hano osuno muki afinaʼaeʼmo nehaiye. Lama gemo hunoʼaeʼmo, lapa maeʼna lapamiguve, huno huʼniya geʼamo alagi oʼataleno akame huno muki hemenimo maiʼnaya vayaʼaitegaʼe aliʼa apateme apateme visaya vayaʼaitegaʼeʼmo ani agufa kavaʼmo afaʼa hugiye.