Esata 10 - The Keyagana NT and 25 OT books

Kini vekamo Sekisiʼe Motekaiʼeʼmo ala anakiʼanimo haneʼniya kavafeʼmo huʼniya gemae

¹ Kini vekamo Sekisiʼa muki yagaino neʼapateya vayaʼaifeʼmo hunoʼaeʼmo, Takesi monimo namiyo, huno hapa paiʼnigeʼa amiʼnae.

² Kini vekamoʼmo Motekaiʼmo alopa napamo amiʼnigenoʼaeʼmo muki lokiya kavanagi himamuʼaletiʼmo huʼniya kavanagi huno huteno muki ani kavatefeʼmo Pesiya vayaʼaiteʼe Mitiya vayaʼaiteʼeʼmo yagaiʼnaya kini vayaʼai mukufiʼmo avoʼmo kae maleʼnae.

³ Inagi Yu vekamo Motekaiʼa kini vekamo Sekisi napa tuʼamo maiʼnigeʼapaeʼmo Yu vayaʼmogimo ala agiʼamo amiteʼa muki konagaʼamogimo amuse huʼa ateʼnae. Ateʼnageno alagepa aliʼyaʼmo aliteno Yu vayaʼmo hapa maeteno alagepa huʼa maisayafeʼmo gege huno yagaino apateʼnigeʼa maiʼnae.