Aepa Gemae 5 - The Keyagana NT and 25 OT books

Atamu aginago vayaʼai apakimo haneʼniya gemae

¹ Ina kava huno Atamu aginago vayaʼai apakimo haneʼniye. Gotiʼa vemo alo huʼniya afinaʼmo agaiʼagana huno alo huʼniye.

² Gotiʼa vemo alo huteno aʼmo alo huʼniye. Agaemo alo huno anateteno alino auleno anatetenoʼaeʼmo muki vayaʼaifeʼmo, vayane, huno apaki aeʼniye.

³ Atamuʼa vani hataleti tetiʼa kafugamo maiteno ve mafaʼnemo agaiʼagana huno alino atetenoʼaeʼmo agiʼamo Setiʼae huno ateʼniye.

⁴ Atamuʼa Setiʼmo alino atetenoʼaeʼmo eiti hataletiʼa kafugamo neʼmainoʼaeʼmo magoʼe huno ve mafaʼnemo alino apatege a mafaʼne alino apatege huteno faliʼniye.

⁵ Atamuʼa muki kafugaʼamo naeni hataleti tetiʼa kafuga maiteno faliʼniye.

⁶ Setiʼa vani hataleti faefuʼa kafugamo maiteno Inosiʼmo alino ateʼniye.

⁷ Alino atetenoʼaeʼmo eiti hataleti seveniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye.

⁸ Setiʼa muki kafugaʼamoʼmo naeni hataleti tuolofuʼa kafugamo maiteno faliʼniye.

⁹ Inosiʼa naetiʼa kafugamo maiteno Kenaniʼmo alino ateʼniye.

¹⁰ Alino atetenoʼaeʼmo eiti hataleti fifitiniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye.

¹¹ Inosiʼa muki kafugaʼamoʼmo naeni hataleti faefuʼa kafugamo maiteno faliʼniye.

¹² Kenaniʼa sevetiʼa kafugamo maiteno Mahalaleʼmo alino ateʼniye.

¹³ Alino atetenoʼaeʼmo eiti hataleti fotiʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye.

¹⁴ Kenaniʼa muki kafugaʼamoʼmo naeni hataleti teniʼa kafugamo maiteno faliʼniye.

¹⁵ Mahalaleʼa sigisiti faefuʼa kafugamo maiteno Yaletiʼmo alino ateʼniye.

¹⁶ Alino atetenoʼaeʼmo eiti hataleti tetiʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye.

¹⁷ Mahalaleʼa muki kafugaʼamoʼmo eiti hataleti naeti faefuʼa kafugamo maiteno faliʼniye.

¹⁸ Yaletiʼa vani hataleti sigisiti tuʼa kafugamo maiteno Inokiʼmo alino ateʼniye.

¹⁹ Alino atetenoʼaeʼmo naeni hataleti sigisiti tuʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye.

²⁰ Yaletiʼa muki kafugaʼamoʼmo naeni hataleti sigisiti tuʼa kafugamo maiteno faliʼniye.

²¹ Inokiʼa sigisiti faefuʼa kafugamo maiteno Metusalaʼmo alino ateʼniye.

²² Alino atetenoʼaeʼmo Inokiʼa tali hataletiʼa kafugamo Gotiʼeʼmo afalu afalu kava huno maiteno Gotiʼeʼmo magokepi lokaeno uneno nehunoʼaeʼmo ve mafaʼnemo alino apatege a mafaʼnemo alino apatege huʼniye.

²³ Inokiʼa muki kafugaʼamoʼmo tali hataleti sigisiti faefuʼa kafugamo ma mopafiʼmo maitenoʼaeʼmo ataleno uʼniye.

²⁴ Gotiʼeʼmo afalu afalu kava huno maiʼnigeno Gotiʼa avalelino uno haiʼniyaʼmofeʼmo magoʼe kafugamo ma mopafiʼmo oʼmaiʼniye.

²⁵ Metusalaʼa vani hataleti eiti seveniʼa kafugamo maiteno Lemekiʼmo alino ateʼniye.

²⁶ Alino atetenoʼaeʼmo Metusalaʼa seveni hataleti eiti seveniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye.

²⁷ Metusalaʼa muki kafugaʼamoʼmo naeni hataleti sigisiti naeniʼa kafugamo maiteno faliʼniye.

²⁸ Lemekiʼa vani hataleti eiti tuʼa kafugamo maiteno ve mafaʼnemo alino ateʼniye.

²⁹ Alino atetenoʼaeʼmo agiʼamo Noaʼae huno ateʼniye. Agaemo hunoʼaeʼmo, Ala kava neʼmoʼa geʼaletiʼmo mopamo alino hosu huno atalesigeta lahaise vose huta aliʼyaʼmo neʼaluna kavaʼamo laha maesigeta maita haga legaune, huno hapa paiʼniye.

³⁰ Lemekiʼa Noaʼmo alino atetenoʼaeʼmo faefu hataleti naeti faefuʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye.

³¹ Lemekiʼa muki kafugaʼamoʼmo seveni hataleti seveti seveniʼa kafugamo maiteno faliʼniye.

³² Noaʼa faefu hataletiʼa kafugamo neʼmainoʼaeʼmo loleʼe magoʼe ve mafaʼnemo alino apateʼniye. Ani mafaʼne anagaʼai apakiʼapimo Semiʼagi Hamuʼagi Yafetiʼagi huno alino apateʼniye.