Samu 67 - Anatunya Buku Baepole Ole Testamene Pii Lapo dee Nuu TesameneAnge Lao Kenane Pingi 1 Anatu embame namwa sakame kumapala elyape keta piso kalya pyuo nembape. Namwa koo nono ingyuo kanda napala anjiki pyuo kandape. 2 Dopa pirinyi dokopa yuu muu peparaeme embena pimili lao suu pilini doko sinyale. Dopa pyuo soo embena pyuo nyingi yulu doko dopa pyuo palyuo penge lamo lao kandenale. 3 Wambu dupwame Anatu emba lakandenale. Wambu peparaeme emba lakandena. 4 Embame yuu muu peparae mondo lao kata lasaka pyuo lao rolare renge dokona embena lao mona pyakalyuo pyao rae maiyuo kenane pyao lakandenale. 5 Wambu dupwame Anatu emba lakandenale. wambu peparaeme emba lakandena. 6 Namwana Anatumi namwa nyiso elyape keta pisapinyi dokome yuu dokona nenge kakana pilyamo. 7 Anatumi namwa elyape keta piso nyisapyamo dokona wambu peparae anja anja palaminyi dupwame baa ketae pyambuo lakandena. |
The Shorter Old Testament and the New Testament in Kyaka Enga © Bible Society of Papua New Guinea, 1987.
Bible Society of Papua New Guinea