Samu 126 - Anatunya Buku Baepole Ole Testamene Pii Lapo dee Nuu TesameneKiiramo Nyinya Lao Ateŋa Lenge Doko 1 Kamongome yuu Sayone dokona namwa lanyuo epeyamo dokopa mee kombeyame ingyalya ingyana piya. 2 Namwana giyuo giyuo piyamanopape dee kenane pyao rae rae maiyamanopape dokona yuu muu menge dupwana sepala namwana lakao Kamongo dokome yulu andake doko pyakamilyamo, leyami. 3 Ama kinyi kinyi baame yulu andake doko pyakayasa namwa ama raeme kumuyama. 4 Kamongo embame namwaipwa sokwasi doko apundame range epengenyili pyamuli pyuo namwa rangena yuunya dee lanyuo ipupi. 5 Dokona lao ee pipya karo ee waingi warapiyami dupwa manjo nao karo dokopa rae mainyale. 6 Wambu ee waingi manjo pao karo dokopa ee pipya manjo peyami dupwa angi naomanjo laeyo epo dokopa rae maiyuo kenane pyao eparami. |
The Shorter Old Testament and the New Testament in Kyaka Enga © Bible Society of Papua New Guinea, 1987.
Bible Society of Papua New Guinea