Samu 122 - Anatunya Buku Baepole Ole Testamene Pii Lapo dee Nuu Tesamene

Jerusaleme Lakandenge Pii

¹ Nakamame namba langyuo, Kamongona anda dokona mwua leyaminyi dokopa namba rae maiyu.

² Doko epapu namwa dae angi Jerusaleme kame kambu andakarerena epo karamano.

³ Jerusaleme taone andake doko elya pyuo pinjingi lyolope yalu pyuo kapa kapa piyaminyi au piro karamo.

⁴ Dopa pyuo piyaminyidokome lowana letamo dokona palyuo Isaraele rara dupwame Kamongo kando ange lala epenge.

⁵ Dake Isaraele wambunya kiŋi dupwame wambunya kote pii soo peteyami.

⁶ Jerusaleme doko mona kyuu lao seramopa petena lao ateŋa lakamipwape. Wambu Jerusaleme mona nyilyaminyi dupwa yuunya amenge doko nao sikya piramo petenale.

⁷ Kana kame andakare dorena mondo lao mona seramo soo kiŋinya palenge anda dupwa moŋo see nanale.

⁸ Nambana ree palupi puu minyingipi dupwana reke lao Jerusaleme dokona mona kyuu lao seramo pisipwape, leto.

⁹ Kamongo baa dae palyuo karamo dokona lao nakamana ee yuupi ipinya lao ateŋa lakalyo.