Poropepe 25 - Anatunya Buku Baepole Ole Testamene Pii Lapo dee Nuu Tesamene

Wambu Kapa Palyuo Petengena Mana Pii Mendelapo

¹¹ Suu pingi angi doko rolo laramo doko golome wasisi bange keyange dopale ingyuo sera.

¹² Singi akali dokome repe repe lamairamo wangu lakapala soo nyingi doko kana golo panda rao kui kui lasi pipa manda manja nara.

¹³ Waili pii minyingi akali baa kandokondali pyuo makando minyuo eparamo dokome yuu gii isasa pilyamopa ipwa manda renge nao mona waeŋe lenge dopalelyamo lao sera.

¹⁴ Wambu bange lapo wambu yango mairama lao lalu lao lapala enakana mai narami dupwa kopa soo poraiya minyuo mane mane pyuo karapala apu angi epa nange dopale ingyarami.

²¹ Embena nyisu petenge akali lopo pira ramo doko baa nenge nena lao mairi. Ipwa naa nara ramo dokopa ipwa mairi.

²² Dopa pira ramo dokopa baa range elyame kumara. Dokopa Kamongo keta emba yano nyere.