Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

M̀ɛni-lɛɛi 8 - Bible


Gɔlɔ lá tɛ-sãai mɛi feerɛ-ɣelei

1 Tãi M̀ála-loŋ è gɔlɔ lá tɛ-sãai mɛi feerɛ-ɣelei lá ƃò lai, Ɣâla-taa mɛi è kɛ̀ a zàa yɛ̂ɛ aƃa kpûra yée mu.

2 È kɛ̀ tí ŋá Ŋ̀âla-taa-kela lɔ́ɔlu mɛi féerɛi kâa tɔɔ ni Ɣâla ŋ́ɛi-tuɛ. Dí turu lɔ́ɔlu mɛi feerɛ tɛ̀ɛ dípɔ.

3 Ɣâla-taa-kela da kpɛni è pà é tɔ́ɔ Ŋ̀âla-teƃelei ma gôo-sɛŋ-folo kɛ́ ƃô ǹyêei. Dí kéreŋ-sɛŋ kúŋ nɛ̃ɛ támaa tɛ̀ɛ bɔ a gɛɛ é gèreŋ gôo-Ɣala-teƃelei ma gâloŋ-see-sɛŋ ŋ́ɛi-tuɛ tãi Ŋâla-ƃelai da kɛ̂ Ɣâla fɛlîi lai.

4 Géreŋ-sɛŋ kúŋ nɛ̃ɛi ǹuru è kùla Ŋ̀âla-taa-kelai yêei da Ŋ̀âla-ƃelai Díɣâla-fɛli-wooi dí lì Ɣâla ŋ́ɛi-tuɛ.

5 È kɛ̀ tí Ŋ̀âla-taa-kelai è zɛŋ-fólôi sîɣe é ŋɔŋ kúla Ŋ̀âla-teƃelei ma é ǹá fɛ́ɛ la, é bili ǹɔii ma. Nya ƃe ŋele-kpanaŋ tíŋ è tɛ̀, láɣi-woo su kɛ́tɛ-ŋaa, ŋ̀ele-gbâna ŋɔmãla-mãla, da lɔii-kpɛ̃liŋɔɔ.


Dúru-ŋai

6 Ǹyaŋ Ŋ̀âla-taa-kela lɔ́ɔlu mɛi féerɛi, nyíi-ŋai duru lɔ́ɔlu mɛi féerɛi è kɛ̀ díyêei, dí díkpîŋ kpɛ̀tɛ a gɛɛ dí dífɛɛ.

7 Ŋ̀âla-taa-kelai maa-ŋuŋ è ŋɔtúrii fɛ̂ɛ, nàa pôlu ma sã́o da ŋɔŋ dí kùla, nyíi-ŋai kɛ̀ a beneɛ a ŋãai, dí too ǹɔii ma. Ǹɔii gwaa kuro ma è kèreŋ, ŋúru-ŋai gbulu-loŋ é kéreŋ, gala ŋunu-ŋai kélee dí kéreŋ.

8 Ŋ̀âla-taa-kelai veerɛ-ɣelei è ŋɔtúrii fɛ̂ɛ. Sɛŋ kɛ́ɛ yɛ̂ɛ yée kɛ́tɛ nyíi kɛ̀ kérenîi a ŋɔŋ, é píli ǹyúoi su.

9 Ǹyúoi gwaa kuro ma è pène a ŋãa. Vúlu-sãai kɛ̀ ǹyúoi sui, gbulu-loŋ è sàa, ǹyá-ŋa-keleŋ-ŋai gbulu-loŋ su é kara.

10 Ŋ̀âla-taa-kelai zaaƃa-ɣelei è ŋɔtúrii fɛ̂ɛ, pɛmɛlɛŋ-kao kɛ́tɛ é kúla Ɣâla-taa gɛ soŋ yɛ̂ɛ kpáleŋ, é tóo nya-leei gwaa kuro ma da ǹyái a kula ǹɔii mui.

11 Bɛmɛlɛŋ-kaoi láa ƃa Wuru-ŋwanaa. Ǹyái gwaa kuro ma è kɛ̀ a ŋwanaa yɛ̂ɛ wuru-ŋwanaa. Ǹyaŋ ǹyái è núu támaa pàa, kpɛ́ni fêi, è kɛ̀ a ŋwanaa.

12 Ŋ̀âla-taa-kelai náaŋ-ɣelei è ŋɔtúrii fɛ̂ɛ, voloi gwaa kuro ma é túa, da ŋ̀áloŋ gwaa kuro ma, da bɛmɛlɛŋ kao-ŋai díkwaa kuro ma, a gɛɛ dífoloi kwaa kuro ma é kpíni. Ŋ̀elei ŋɔtãi kpua kuro yée mu, voloi fé too ni, ǹyaŋ bere-sii tí sú, gbini ŋɔtãi kpua kuro yée mu ŋ̀áloŋ fé fólo ní.

13 Nya ƃe ŋá nàa kàa, ŋá kuɛ wóo mɛ̀ni a ŋ̀óo su kɛ́tɛ tãi è kɛ̀ kóonîi Ɣâla-taa sama, nyɛɛi, “Kpâlo, kpâlo, kpâlo ƃélaâi diai dîa díkaa ǹɔii mai, tãi Ŋ̀âla-taa-kela saaƃai da kɛ̂ durii gbeli-ŋai fɛɛ̂i lai, ǹyaŋ dífɛɛ-tãi a nàa seri!”

© 2012 Bible Society in Liberia

Bible Society in Liberia
ကြှနျုပျတို့နောကျလိုကျပါ:



ကြော်ငြာတွေ