Mąątɛ̨nɛ̨ 96 - Bible

Ɣâla ƃa Gâloŋ kɛ́tɛi

¹ Káai kélee kákaa ŋ̀éniɛi su ka wule tóo Yâwɛɛ ma. Ka ŋɔƃalo-laai maa tûŋ tòo a ɣele kélee.

² Ka ŋɔmaa-waa-laai maa mɛni ƃó ǹɔii-ŋûŋ-ŋai kélee su.

³ Ka ŋɔwála-wala-laai maa mɛni ƃó ǹûai kélee dîa.

⁴ Yâwɛɛ kɛ̂tɛi, ǹyaŋ maa-nɛ̃ɛi kú laa maa tɛ̂ tɛɛ bɔ́. Fɛ̂ɛ núu kélee é ƃaa kɛ́-maa tɛ́ɛ bɔ́ é tɛ́ɛ ŋ̀âla da kpɛ́ni-ŋai dîa.

⁵ Ǹɔii-ŋuŋ da kpɛ́ni su ɣala-ŋai díkaa nɔ́ a núu kpɛtɛ ɣâla-ŋa, kɛ́lɛ Yâwɛɛ ƃé ŋ̀elei kpɛ̂tɛ.

⁶ Ŋɔfólo-laai da ŋɔkɛ́tɛ-laai tínaŋɔ̂ɔi m̀a. Zãâi Ŋɔpɛ́rɛi Kɛ́tɛi mui a ǹɛ́ a gɛɛ ǹɛ̂lɛɛi, ŋ̀wála-wala.

⁷ Káai ŋ̀éniɛi sui, ka Yâwɛɛ láa ma tɛ́. Ka ǹáa ma tɛ́ ŋɔfólo-laai da ŋɔwála-wala-laai mɛni ma.

⁸ Ka Yâwɛɛ láa maa tɛ́ ŋɔfólo-laai mɛni ma. Ka pá a sama sãa Ŋɔpɛ́rɛ Kɛ́tɛi mu.

⁹ Ka pîlaŋ káŋuŋƃe ŋá Ǹúu maa waai kɔ́ɔ mu. Káai a ŋ̀éniɛi su-ƃelai kélee ka kpɛ̃lîŋ ŋ̀ɛ́i-tuɛ.

¹⁰ Ka m̀ó ǹɔii ŋuŋ-ŋai dîa kâai, “Yâwɛɛ káa a kâloŋ. Ǹɔii seɛɛ̂i zeêi. Va kûla naa. A pâi núu kélee ŋɔmɛnii ŋá têei a bɔriɛ́ɛ.”

¹¹ Ŋ̀elei da ǹɔii, ka koi-nɛ̃ɛ kula yɛ̂ɛ núu-kpune. Yúo, ye too a lii-nɛ̃ɛ pere. Káai a fúlu-sãa kélee yúo sui, ka lii-nɛ̃ɛ kula.

¹² Lɔii, ye lii-nɛ̃ɛ kula. Káai kélee a fúlu-sãa ǹɔii mai, ka lii-nɛ̃ɛ kula. Ŋ̀úru-ŋai da pâi lii-nɛ̃ɛ wule toôi ɣelêi pere

¹³ Yâwɛɛ ŋɛ́i-tuɛ kpɛ́ni fêi gáa pâi. Gáa pâi a gɛɛ é ǹɔii ŋɔmɛnii ŋá tée. A pâi ǹɔii ŋɔmɛnii ŋá têei a teniŋ ƃô-pere, é ǹûai dímɛnii ŋá tée a tɔ̃yâ-laa.