Mąątɛ̨nɛ̨ 95 - Bible

Ŋ̀ule too-nuui è ǹûai tòli a gɛɛ dí Yâwɛɛ fɛli

¹ Óo ka pá kú wule tóo Yâwɛɛ ma. Kwaa kú wule tóo Ɣâla ma a lii-nɛ̃ɛ pere. Ǹyaa ƃa kúmaa kɔ̃̂ɔ.

² Ka pá kwaa sɛɣɛ̂-fei tɛɛ bɔ́. Kwaa seɣɛ-fei tɛɛ bɔ́ a lii-nɛ̃ɛ wule-ŋa

³ Yâwɛɛ káa a Ɣâla kɛ́tɛ, gɛ́ ƃò a Kâloŋ kɛ́tɛ ŋ̀âla-ŋai kélee mɛi.

⁴ Ŋɔwála-wala-laai káa ǹɔii gwaa kélee mɛi é kúla ǹyée-ŋai tôŋ su é yéŋ m̀u pere.

⁵ Ǹyaa ƃé yúo kpɛ̀tɛ, da ǹɔii, ǹyaŋ díkaa a bɔ́ɔ.

⁶ Ká pá kú pîlaŋ kúŋugbe ŋá kúkpɛtɛ Ɣâlai Yâwɛɛ kɔ́ɔ mu kú vɛli,

⁷ kpɛ́ni fêi, ǹyaa ƃa Kúɣâlai, kú kɛ́ ƃò a ŋɔnûa, gbáaŋɔɔ kúmɛni ma. Ka káwoli tɔ́ɔ m̀ɛnii ma Ɣâla a m̀ôi:

⁸ “Káfe kɛ̀ a wolii kpɔ̂lɔ-ƃela yɛ̂ɛ kánâŋ pɔlɔ-ŋai kɛ̀ Mɛriƃa a tãi dí kɛ̀ la vɛ̃ɛ-kpâlaŋ su Massai.

⁹ Dí ńzu kɔ̀ɔŋ naa, berei máŋ m̀ɛni-ŋai ŋá gɛ̀ dîɛ dí ǹaa kàa lai.

¹⁰ Dí tɔ̀ɔ ḿâ a kóraŋ buu náaŋ. Nya ƃe ŋá m̀o ńyɛɛ, ‘Díkaa a ŋánûa, kɛ́lɛ dífe ḿbôlu. Dífe siâi a ŋátɔ̂ŋ-ŋai wóo.’

¹¹ M̀ɛni ma, ŋá ńii ŋwàna dîa ŋá ŋ́gono tée ńyɛɛ dîai, ‘Káta fé pâi gɔ́ɔ pîlanii ǹɔii ma ŋá ŋ́gono tèe la kánaŋ pɔlɔ-ŋai yêei.’ ”