Mąątɛ̨nɛ̨ 93 - Bible

Ɣâla ƃa Gâloŋ

¹ Yâwɛɛ káa a kâloŋ. Maa ɣiriɛ̂ɛi yɛ̂ɛ kâloŋ, ŋ̀wála-walaa. Ǹɔii seɣɛ̂ɛi kpɔ́ kpíŋ-kpiŋ, ǹyaŋ vé pâi kulâi dɔɔ̂i.

² Yâwɛɛ, íkâloŋ-laai tɔɔ̂i kpanaŋɔɔ̂i é kúla gɔ́ɔ pîlaŋ ɣele ma, ǹyaŋ íkaa ɣele ma wɔ́lɔ-wɔlɔ da wɔlɔ-wɔlɔ.

³ Óo Yâwɛɛ, yúo a toôi, gɛ́ pène, gɛ́ tòo, díŋ kɛ́ tɛ̀ a ŋ̀ánaa.

⁴ Yâwɛɛ ŋɔwála-wala-laai káa ŋ̀elei su sãai kélee mɛi. Ŋɔwála-wala-laai tíŋ kpanaŋɔ̂ɔi é tɛ́ɛ yúo too tîŋ ma, da ǹya-lee-ŋai ɣilîŋ tiŋ.

⁵ Yâwɛɛ, ítɔ̂ŋ-ŋai káa nɔ́ naa wɔ́lɔ-wɔlɔ da wɔlɔ-wɔlɔ, ǹyaŋ Ípɛrɛi Kɛ́tɛi maa wâai wɔ́lɔ-wɔlɔ da wɔlɔ-wɔlɔ.