Mąątɛ̨nɛ̨ 87 - Bible

Zerusâlɛŋ ŋɔfólo-laai

Kora ǹônii díwulei

¹ Yâwɛɛ è ŋɔtaa-leei tɔ̀ɔ ǹyée maa waai ma.

² È Zerusâlɛŋ taa-leei tí wɛ́lini é tɛ́ɛ Eezuɛ taa-lee-ŋai kélee dîa.

³ Ɣâla ŋɔtaa-leei, nûa támaa da mɛni kpaya-kpaya lɛ́lɛɛ ƃôi a ílaa.

⁴ “Nɔii ŋuŋ-ŋai ŋí da-ŋa ƃa Ize, Babelɔŋ, Felesia, Taya da Itiopia. Nɔii ŋuŋ-ŋai ŋí su-ƃela da nâa kɛ́ a Zerusâlɛŋ see-ƃela. Naa-ƃela da mò dîyɛɛi, ‘Zerusâlɛŋ ƃé dí kúmaa sɔlɔ ƃô naa.’ ”

⁵ Da pâi lônoi é pîlaŋ Zãiyɔŋ ma dîyɛɛi, “Ǹɔii-ŋuŋ-ŋai kélee dí kùla gbonôi.” Ŋ̀âla Kɛ́tɛi ǹyaa kpîŋ a pâi dí kɛ̂i a lɔii-ŋuŋ wála-walaa.

⁶ Diai dí dímaa sɔlɔ ƃò Zerusâlɛŋ, Yâwɛɛ a pâi dílaa pɔ̃yɛ̂i Zerusâlɛŋ lɔii lonii láa pɔ̃yɛ kɔlɔi su.

⁷ Ǹûai da pâi kɛ̂i wule toôi díkɛ mãla dîyɛɛi, “Kú kélee kúkaa a Zãiyɔŋ-ƃela.”