Mąątɛ̨nɛ̨ 84 - Bible

Ŋ̀ule too-nuui è kɛ̀ ŋ̀wɛ̂lii é kɛ́ Ŋ̀âla-pɛrɛ Kɛ́tɛi mu

Kora ǹônii díwulei nyii dí bɔ̃yɛ ŋ̀ule too-ƃelai láa túɛ-nuui mɛni ma a gɛɛ dí kɛ́ dòo a kɔnîŋ

¹ Ŋ̀wála-wâla kélee Yâwɛɛ, ŋa ípɛrɛ kɛ́tɛi wɛ́lini.

² Ŋa ŋ̀wɛ̂lii nɔ́ ŋ́gɛ ƃò m̀u. Yâwɛɛ Ŋɔpɛ́rɛ Kɛ́tɛi maa mɛ̂ni káa ńii su a ŋ̀ánaa. Ŋà kɛ̀ naa, ŋa kɛ̂ wule toôi ŋ́gɛ koi-nɛ̃ɛ kùla, gɛ-ɣele ma Ɣalai mɛni ma.

³ Ŋ̀wála-wâla kélee Ɣalai Yâwɛɛ, yái íkaa a Ŋáɣâlai da Ŋákâloŋ, zoyoŋ-ŋai kpîŋ da ípɛrɛi mu kɛ́ a díkɛ̂i. Da dítaa tɔ́ɔ naa, dílônii díkɛ ƃò naa íɣâla teƃele-ŋai kɔlɛ.

⁴ Ya lûwa làa diai dîa díkaa Ípɛrɛ Kɛ́tɛi mui. Díkaa naa díkɛ laa maa tɛ̂ wule-ŋa tòo yâ a ɣele kélee.

⁵ Ya lûwa làa diai kélee dîa díkili tɔɔ̂i yâ, da diai da ífɛlii.

⁶ Da tɛ̀ɛ Beka lɔii kpálaai ma ǹyée loai, tuna kɛ́tɛ a pû, yá é láa naa.

⁷ Ínûai da kɛ̀ liî díkponôi a kɛ̂ a gbanaŋɔɔ. Yá ƃa ŋ̀âla-ŋai kélee mɛi Ɣâlai ǹyaŋ da pâi íkâai Zãiyɔŋ.

⁸ Ŋ̀wála-wâla kélee Ɣâlai Yâwɛɛ, ŋáfɛli-wooi su-too. Íwoli tɔ́ɔ ḿâ, óo Zeeka Ŋɔɣâlai.

⁹ Óo Ɣâla, yá ƃa kúmaa kɔ̃ɔ nuui. Gâloŋ í zìɣe zui, lûwa láa ma.

¹⁰ Núu a kɛ̀ Ípɛrɛ Kɛ́tɛi mu a fólo tɔnɔ, ǹɛ̂lɛɛi é tɛ́ɛ la núu kɛ́ɛ kwaa da kpɛ́ni ma a kóraŋ wála tɔnɔ (1,000). Ǹɛ̂lɛɛi ŋ́gɛ tíi kɛ̀ Ɣâla ŋɔpɛ́rɛi mu é tɛ́ɛ la ŋ́gɛɛ lii-nɛ̃ɛ kulâi ŋ̀wana-lɔ̂ɔ-ƃela dípɛrɛi mu mà.

¹¹ Yâla Yâwɛɛ káa a kwaa ponoɔɔ. Ǹyaa ƃa kú maa kɔ̃ɔ-nuui. A kúmɛi kâa a ǹɛ́lɛɛ a ƃaa kɛ́ maa pere. Diai da tûa sãa kɛ̀i, a dífela fè.

¹² Óo Ŋ̀wála-wâla kélee Yâwɛɛi, ya lûwa làa diai dîa dí lâai a yái!