Mąątɛ̨nɛ̨ 67 - Bible

Sɛɣɛ̂ fêi wule

Ŋ̀ulei gáa ŋ̀ule too-ƃelai láa túɛ-nuui mɛni mai a gɛɛ dí kɛ́ dòo a ɣale-sãa

¹ Óo Ɣâla, lûwa láa kûa, í íŋɛi pono kútuɛ, í kúƃɛlɛ sée,

² a gɛɛ ŋ̀éniɛi su-ƃelai kélee dí ítûa-pere lɛ́lɛɛi kɔ́lɔŋ, ǹɔii-ŋûŋ-ŋai su-ƃelai kélee dí íƃalo-laa wala-wala-laai kɔ́lɔŋ.

³ Óo Ɣâla, tɔɔ ǹûai dí ílaa maa tɛ́. Tɔɔ núu kélee é ílaa ma tɛ́.

⁴ Tɔɔ ǹɔii-ŋûŋ-ŋai su-ƃela dí lii-nɛ̃ɛ kula dí wule tóo, kpɛ́ni fêi, ya mɛni ŋá tèe a tɔ̃yâ-pere, íkɛ ǹûai mɛi kâa ŋ̀éniɛi gwaa kélee ma.

⁵ Óo Ɣâla, tɔɔ ǹûai dí ílaa maa tɛ́. Tɔɔ núu kélee é ílaa ma tɛ́.

⁶ Kúsi-sãai da ƃûu ƃó da ƃá a tɛ̀ɛ bɔlɔi ma. Ɣâla nyii gáa a Kúɣâlai, a lûwa láa kûa.

⁷ Ɣâla a lûwa láa kûa. Tɔɔ núu kélee é ƃaa kɛ́-maa tɛɛ bɔ́.