Mąątɛ̨nɛ̨ 6 - Bible

Núu kɛ́ɛ mɛni kpɔ̂lu su maa Ɣâla fɛliɛɛ

Deeƃé ŋɔwulei nyii è bɔ̃yɛ ŋ̀ule too-ƃelai láa túɛ-nuui mɛni ma a gɛɛ díkɛ dòo a ɣale-sãai

¹ Yâwɛɛ, ífe ílii ŋwàna ḿâ. Ífe ŋ́gula-maa kɛ̀ a lii-ŋwâna-perei.

² Óo Yâwɛɛ, ḿalôŋ káa, kɔlɔ aâ gbâa kpɛɛ ḿâ. Pɔri mâa da fé ŋɔ́nɔ mî, wála-wala-laa tɛɛ ḿbɔ.

³ Ŋa mɛni-soli kâai a ŋanaa. Óo Yâwɛɛ, yâ pâi ŋ́uŋ ma ƃôi a lé ɣele?

⁴ Óo Yâwɛɛ, tínaŋ í ŋ́uŋ ma ƃó. Ŋ́uŋ ma ƃó íwɔlɔ-wɔlɔ wɛli-kɛ-maai sârai.

⁵ Núu a sàa, ímaa mɛni kíli fa ŋɔ́nɔ lɛ̀ɛ maa nuui kíli ŋá. Maa nûui fa pɔ̂ri ŋɔ́nɔ ílaa maa tɛ̂i.

⁶ Ŋa nyîɛi ŋ́gɛ wɔ̀lɔ a kpíni kélee ǹyaŋ kɔlɔ a kpɛɛ ḿâ. Ŋágbìŋ seɣei kélee yɔɔ̂i a ŋ́ɛi-ya.

⁷ Maloŋ too maa wɔ̂lɔ a ŋ́ɛi kélee kɛ́ puu-lɛɛ. Ŋ́gbɔara-ƃelai da gɛ́ ŋa lɛɛ wɔ̂lɔi ŋ́ɛi fé ŋɔ́nɔ kwaa kâai a ǹɛ́lɛɛ.

⁸ Ŋawnw-lɔ̂ɔ-ƃale, ka kúla ŋ́gɔlɛ, kpɛ́ni fêi, Ɣâla a ŋ́wɔlɔ-woo mɛ́ni.

⁹ Yâwɛɛ aâ ŋ́vɛli-wooi mɛ́ni a ǹyée sée m̀u.

¹⁰ Ŋ́gbɔara-ƃelai kélee da pâi ŋumɛ̂i dí maa kɛ́ kpɛ̃liŋ. Da pâi ŋumɛ̂i a ŋánaa dí pú.