Mąątɛ̨nɛ̨ 47 - Bible

Ɣâla ƃa Gâloŋ Kɛ́tɛi ŋ̀éniɛi su

Kora ǹônii-sinaai díwulei nyii dí bɔ̃yɛ ŋ̀ule too-ƃelai láa túɛ-nuui mɛni mai

¹ Kákelee ka káyee ŋá lókwa a koi-nɛ̃ɛ pere. Ka Ɣâla láa ma tɛ́ a wule-ŋa.

² Fɛ̂ɛ kwa yào Ŋ̀âla Kɛ́tɛi Yâwɛɛ ma. Ǹyaa ƃa gâloŋ kɛ́tɛi, gɛ́ ŋ̀éniɛi gwaa kélee mɛi kâa.

³ A gɛ̀ kú kúkpɔara-ƃelai yée mɛi ɣále. A wála-wala tɛ̀ɛ kúpɔ a gɛɛ kúkɛ ǹɔii ŋûŋ-ŋai mɛi.

⁴ Ǹɔii kwa mai, ǹyaa ƃé kúpù naa. Gáa a Zeeka ŋɔsuui su-ƃelai pɔ́ɔ nyii-ŋai è díwɛlinii.

⁵ Ɣâla a tɛ́ a see ŋɔkâloŋ see-sɛŋ ŋá. Ka túru fɛ́ɛ ká láɣi a ɣelêi pere a koi-nɛ̃ɛ, tãi Yâwɛɛ a kɛ̂ tɛ̂i la ŋɔkâloŋ see-sɛŋ ŋái.

⁶ Ka laa maa tɛ̂ wule-ŋa too Ɣâla ma. Ka laa maa tɛ̂ wule too kúkâloŋ ma.

⁷ Ɣâla káa a kâloŋ ŋ̀éniɛi gwaa kélee mɛni ma. Ka laa maa tɛ̂ wule-ŋa too mà.

⁸ A sêe ŋɔkâloŋ see-sɛŋ maa waai ŋá, gɛ́ ǹɔii-ŋûŋ-ŋai mɛi kâa.

⁹ Dínûai láa túɛ-ƃelai da pà díkîe ma, da kɛ́ a Eberaɣɛ̃ɛ Ŋɔɣâlai ŋɔnûa. Díkelee da díkɔ kɔ́-sãai tɛ́ɛ Ɣâla pɔ́ díkɛ ǹáa maa tɛ̀.