Mąątɛ̨nɛ̨ 15 - Bible

Berei Ɣâla a ŋ̀wɛ̂lii kúkɛ vɛ̀li lai

Deeƃé ŋɔwulei

¹ Yâwɛɛ, gbɛ̂ɛ ƃa pɔ̂ri lɔ̂i ípɛrɛi mui? Gbɛ̂ɛ ƃa pɔ̂ri kɛ̂i íyee maa waai mai?

² Dia ƃa diai da tɔ̃yâ mɛni kɛ̀, sɔnyɔ̂ŋ fé diai. Dia ƃa diai da tɔ̃yâ ƃò é kúla dílii sui.

³ Dia ƃa diai dífa lɛ́ɛ mɛni da ƃò a núu da láai. Dia ƃa diai dífa mɛni nyɔ́mɔɔ da kɛ̀ a díƃarâŋ-nuu dai, kpaa máŋ dí lɛ́ɛ tuŋ táa é pîlaŋ díƃarâŋ-nuu mai.

⁴ Dia ƃa diai dífa díyee see ǹúui mu Ɣâla mɛni fé gbonôi. Kɛ́lɛ ǹúui a ŋûmɛ Yâwɛɛ ma gɛ́ ƃaa kɛ́-maa tɛ̀ɛ bɔ́i. Dia ƃa diai da tɔ̂ɔ díwoo pôlui, a nɛ̃ɛ ma kpîŋ é gɛ́ dí mɔ̃lɛi

⁵ Dia ƃa diai da kpa pìli núu ma dífa gêeni làa mai. Dia ƃa diai dífa yee-pɛlɛ ǹá-sɛŋ sòŋ núu da yêei a gɛɛ dí núu da fìli ńyii zɔŋ fé maa mɛnii sui. Diai da m̀ɛni-ŋai ŋí kɛi, Ɣâla a dímaa kɔ̃ɔ.