Mąątɛ̨nɛ̨ 136 - Bible

Sɛɣɛ-fei wule

¹ Ka sɛɣɛi-fei tɛɛ Yâwɛɛ pɔ́, kpɛ́ni fêi, zɔŋ lɛ̂lɛɛi. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

² Ka sɛɣɛi-fei tɛɛ ŋ̀âla-ŋai kélee mɛi Ɣâlai pɔ́. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

³ Ka sɛɣɛi-fei tɛɛ ǹuu-namu-ŋai mɛi Nuu-namu kɛ́tɛi pɔ́. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

⁴ Ka sɛɣɛi-fei tɛɛ ǹúui pɔ́ a mɛni kpaya-kpaya-ŋa kɛ̀i. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

⁵ Ka sɛɣɛi-fei tɛɛ ǹúui pɔ́ ŋ̀elei kpɛ̂tɛ a ŋɔtárei. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

⁶ Ka sɛɣɛi-fei tɛɛ ǹúui pɔ́ lɔii kpɛ̂tɛ ǹyá-ŋai mɛi. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

⁷ Ka sɛɣɛi-fei tɛɛ ǹúui pɔ́ vóloi kpɛ̀tɛ da ŋ̀áloŋ. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

⁸ È gɛ̀ vóloi kɛ́ tíi kɛ̀ a ɣele ƃɔ́ɔ. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

⁹ È gɛ̀ ŋ̀áloŋ da bɛ́mɛlɛŋ kao-ŋai díkɛ tíi kɛ̀ a kpíni. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹⁰ Ka sɛɣɛi-fei tɛɛ ǹúui pɔ́ Ize-ƃelai dílônii sinaai maa-ŋuŋ-ŋai pâai. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹¹ È Eezuɛ-ŋai kùla Ize lɔii su. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹² È díkùla naa a ŋɔwála-wala-laai. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹³ Ka sɛɣɛi-fei tɛɛ ǹúui pɔ́ gɛ̀ Ǹyúo Kpɔ̂lui su kɛ́ teei. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹⁴ È gɛ̀ Eezuɛ-ŋai dí tɛ́ɛ Ǹyúo Kpɔ̂lui sâmai. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹⁵ È gɛ̀ Ize kaloŋ da ŋɔkɔ́ kɔ́-ƃelai dílɛɛ Ǹyúo Kpɔ̂lui su. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹⁶ Ka sɛɣɛi-fei tɛɛ ǹúui pɔ́ tɔ̀ɔ ŋɔnûai túɛ dí tɛ́ɛ vɛ̃ɛ-kpâlaŋ sui. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹⁷ Ka sɛɣɛi-fei tɛɛ ǹúui pɔ́ kâloŋ wála-walaa-ŋa pàai. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

¹⁸ È kâloŋ wála-walaa-ŋa pàa. Ŋɔwɛli kɛ́-maai kɔyɛ̂ŋ fé ma.

¹⁹ È Amora kaloŋ Siɔŋ pàa. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

²⁰ È Basãŋ kaloŋ Oŋ pàa. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

²¹ È gâloŋ-ŋai tí dílɔii-ŋai tɛ̂ɛ Eezuɛ-ŋai pɔ́. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

²² È ǹɔii-ŋai ŋí tɛ̀ɛ ŋɔnûai Eezuɛ-ŋai pɔ́ a díkɔ̃̂liŋ. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

²³ Kúkpɔara-ƃelai kɛ́ɛ da kúyee mɛi ɣálei, vé nia ní kûa. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

²⁴ A kúŋuŋ maa ƃò kúkpɔara-ƃelai yêei. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

²⁵ A fúlu-sãa kélee kɔ́nɔ̃ŋ kùla. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

²⁶ Ka sɛɣɛ-fei tɛɛ ŋ̀elei su Ɣalai pɔ́. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.