Mąątɛ̨nɛ̨ 129 - Bible

Eezuɛ-ŋai dílòno é pîlaŋ dímɔ̃lɛ-laai ma

Ɣâla fɛli wule

¹ Eezuɛ, berei lɛ́ kûa íkpɔara-ƃelai da tûai la a yá é síɣe tãi mâ íkɛ̀ la a núu tɔɔ é tóo sâa ma.

² “É síɣe ńôloŋ tãi ma, ŋ́gbɔara-ƃelai da tûa nyɔ́mɔɔ támaa kɛ́ a ńyãa, kɛ́lɛ, díyee fé niî tɛ̀ɛ ní ḿâ.

³ Dí ḿbôlu ƃèla-ƃela a ŋánaa yɛ̂ɛ berei kwaa-si nuu a kwaa-sí lai.

⁴ Kɛ́lɛ, Yâwɛɛ nyíi deniŋ ƃôɔɔi, è ŋ́gùla luɛ-laa su.”

⁵ Tɔ́ɔ diai dítɔɔ̂i Zãiyɔŋ mai, dí díyee mɛi ɣále, dílene pôlu a ŋumɛ-pere.

⁶ Tɔ́ɔ díkɛ yɛ̂ɛ kala nyíi a sôo pɛ́rɛ tôŋ sui, nyíi a kpâla a maa félaa é lɛ́ɛ pâi kɛ̂tɛi,

⁷ nyíi va zí-sɛŋ ŋáa tɛ́ gîe ma nuui yée láa fɛɛi, kpaa máŋ va pɔ̂ri kɛ̂i a gɔ̀ŋ tɔ̂nɔi.

⁸ Diai pâi tɛɛ̂i naai, dífe pâi m̀ôi dîyɛɛi, “Yâwɛɛ é lûwa láa yâ. Kú lûwa too yá Yâwɛɛ láai su.”