Mąątɛ̨nɛ̨ 128 - Bible

Diai kélee pâi Yâwɛɛ wóo mɛnii a pâi lûwai toôi dîa

Ɣâla fɛli wule

¹ Lûwa káa diai dîa da Yâwɛɛ wóo mɛnii, da diai da ŋɔtɔ̂ŋ-ŋai mɛi kâai.

² Zãâi ǹɛ̂lɛɛi ímɛni mai, ya pâi zɔlɔ ƃôi ítii kɛ́ɛi sârai. Lûwa a pâi kɛ̂i yâ í ƃûu ƃó.

³ Í nɛnîi a pâi kɛ̂i ípɛrɛi mu yɛ̂ɛ kpɔmɔ-ƃa kpɔlɔ nyíi a ƃâ a dámaai, ǹyaŋ ínîa-pɛlɛɛi da pâi kɛ̂i ítêƃelei ma yɛ̂ɛ ɔle-wuru pòmuŋ lɛ́lɛɛ kpanaŋɔɔ-ŋa.

⁴ Bere ƃé ǹúui nyii a Yâwɛɛ wóo mɛnii, a pâi lûwa sɔlɔ ƃôi la.

⁵ Tɔɔ Yâwɛɛ nyii gáa Ŋɔpɛ́rɛ Kɛ́tɛi mu Zãiyɔŋ, é lûwa láa kâa. Tɔ́ɔ ká Zerusâlɛŋ káa gɛ́ ƃûu ƃò a tãi kákaa la ɣele mai.

⁶ Tɔ́ɔ ká lɛ́ɛ ɣele ma ká kálônii díwɔ-lonii sòŋ. Lii-see é kɛ́ Eezuɛ ma.