Mąątɛ̨nɛ̨ 123 - Bible

Ɣâla, kúmaloŋ káa

Ɣâla fɛlíɛɛ wule-woo su a gɛɛ é kúmalôŋ káa

¹ Óo Yâwɛɛ, yá nɔ́ ƃé ŋ́ɛi káa yâ, yái íkaa íkâloŋ see-sɛŋ ŋá ŋ̀elei sui.

² Yɛ̂ɛ berei nɔ́ núu-yee mu-nuu kíli tɔɔ̂i la ŋɔnuu-namui mai, yɛ̂ɛ berei nɔ́ núu-yee mu-nɛni kíli tɔɔ̂i la m̀ɛi nûui mai, Óo Yâwɛɛ, Kúɣâlai, bere nɔ́ ƃé ŋɛ́i káa la yâ, é lɛ́ɛ la zu íku malôŋ káa.

³ Óo Yâwɛɛ, kú malôŋ káa, kú malôŋ kaa, kpɛ́ni fêi, da ƃâa támaa kúla kûa.

⁴ Dɔ̀ɔ-ƃelai da ɣɛ̂lɛi kûa a ŋánaa, zu mɛni kɛ̂tɛ-ƃelai díkɛ kúlaa nyɔ́mɔɔ ƃò.