Mąątɛ̨nɛ̨ 113 - Bible

Yâwɛɛ láa maa tɛ́ɛ ŋɔsɔŋ lɛ̂lɛ-laai mɛni ma

¹ Ka Yâwɛɛ láa maa tɛ́. Káai a Yâwɛɛ yée mu-ƃelai, ka ǹáa maa tɛ́. Ka Yâwɛɛ láa maa tɛ́.

² Laa maa tɛ̂ é tɛ́ɛ Yâwɛɛ pɔ́ wɔ́lɔ-wɔlɔ da wɔlɔ-wɔlɔ.

³ Káai kélee vóloi kulâi-pere da vóloi liî-perei, ka Yâwɛɛ láa maa tɛ́.

⁴ Yâwɛɛ káa ǹɔii ŋuŋ-ŋai kélee mɛi kâai, ŋɔfólo-laai kɛ́ ƃò ŋ̀elei su pere póŋ-poŋ.

⁵ Núu da fé seri ní Kúɣâlali Yâwɛɛ pɔ́. Gáa seêni Ɣâla-taa, gɛ́ ƃò sɛŋ kélee mɛi.

⁶ Gáa kwaa kélee maa kpɛɛ̂i, ŋ̀elei su da ǹɔii ma.

⁷ A gôlo-ƃelai kùla túluŋ su, é dítɛ ɣelêi. Diai pɔ̂ri mâa fé dîɛi, é díkula luu su é kwaa ma tɛ̀ɛ dípɔ.

⁸ A díkɛ̀ yɛ̂ɛ kâloŋ lonii, ƃaa kɛ́-maa kɛ́ ƃò dîa.

⁹ A kpóma nɛni kɛ̂i kɛ̀ ma, é nîa-pɛlɛɛ tɛɛ bɔ́, ǹíi é nɛ̃ɛ dímɛni ma. Ka laa maa tɛ̂ tɛɛ Yâwɛɛ pɔ́.