Mąątɛ̨nɛ̨ 110 - Bible

Yâwɛɛ da gâloŋ nyii è zìɣe zui

Deeƃé ŋɔwulei

¹ Yâwɛɛ è m̀o ŋánuu-namui ma ǹyɛɛi, “See ǹúu-pɔlɔ-ŋai see kwaai ma ńaa mii yee mɛi-pere. Ŋa pâi íkpɔara-ƃelai pûi íkɔɔ mu.”

² Yâwɛɛ a pâi gɛ̂i íwala-wala-laai é seri Zãiyɔŋ, ǹyɛɛi, “Ya pâi nâa kɛ̂i íkpɔara-ƃelai mɛi.”

³ Ya pɛ̀lɛ íkpɔara-ƃelai dîa, ínûai da pâi kpɔŋ maa tɛɛ̂i ípɔ. Da pâi kɛ̂i yɛ̂ɛ ɣele ƃɔ̂i luu. Ǹyaŋkpa-ŋai da pâi pâi ípɔ naa ǹyée maa waa-ŋai dîa.

⁴ Yâwɛɛ a góno tée, ǹyaŋ vé pâi ŋ̀óo siɣêi pôlu. “Ya pâi kɛ̂i a sâla láa-soŋ-nuu yɛ̂ɛ zâla láa soŋ nuu kɛ́tɛi Mɛkisɛdɛ wɔ́lɔ-wɔlɔ da wɔlɔ-wɔlɔ.”

⁵ Ǹuu-namui káa ílaa mii yee mɛi pere. A ǹíi ŋwàna, a pâi kâloŋ-ŋa yée mɛi ɣâlei.

⁶ A pâi ǹɔii ŋuŋ-ŋai kula maa kɛ̂i, é dílaa fɛ́ɛ a poma-ŋa. A pâi ŋ̀éniɛi su kaloŋ-ŋai kélee yée mɛi ɣâlei.

⁷ Gâloŋ a pâi gbelêi berei kɔlɛ ya-ɣɛlii-loŋ su, gbonôi é kpanaŋ. A pâi ŋɔkpɔara-ƃelai yée mɛi ɣâlei.