Mąątɛ̨nɛ̨ 100 - Bible

Laa maa tɛ̂ wule

Sɛɣɛi-fei sama-sɛŋ maa wûle

¹ Káai kélee ŋ̀éniɛi sui, ka laa maa tɛ̂ wule too Yâwɛɛ ma a ɣelêi pere.

² Ka Yâwɛɛ fɛli a lii-nɛ̃ɛ pere. Ka pá ŋ̀ɛ́i-tuɛ, ká lii-nɛ̃̂ɛ wule-ŋa too m̀a.

³ Ka gɔ́lɔŋ a gɛɛ ǹyaa ƃa Ɣâla Yâwɛɛ. Ǹyaa ƃé kúkpɛ̀tɛ, ǹyaŋ kúkaa a bɔ́ɔ. Kúa ƃa ŋɔnûai, kúkɛ ƃò yɛ̂ɛ ŋɔƃála-ŋa.

⁴ Ka lɔ́ ŋɔpɛ́rɛi mu ká sɛɣɛ-fei tɛɛ bɔ́, ka lí ŋɔpɛ́rɛi ŋɛ́i-tuɛ ká ǹáa maa tɛ́. Ka sɛɣɛi-fei tɛɛ bɔ́, ká ǹáa maa tɛ́.

⁵ Yâwɛɛ sɔŋ lɛ̂lɛɛi, ŋɔwɛli kɛ́-maai kóyaŋ fé ma, ŋɔteniŋ ƃô-laai káa naa é síɣe núu-suu tɔnɔ ma é tóo gbéli ma.