Dutɛrɔnome 25 - Bible

¹ “À kɛ̀ Kpakolo feerɛ da kɛ̀ laa-sâa kɛ̂i, ma mɛnii a lì m̀ɛni-saa ƃó-ƃelai ŋɛ́i-tuɛ, dia ƃé pâi dímɛnii su kâai dí ŋ̀á tée a tɔ̃yâ-pere. Ǹúui ŋ̀ɔi lɛ̂lɛɛi, dí mó mà. Ǹúui ŋ̀ɔi nyɔ̂mɔi dí mó mà.

² À kɛ̀ ǹúui mɛnii è lɛ̂ɛ mai gula maa ƃa dínokwa, m̀ɛni ŋá-tee nuui a pâi maa nûui pɛlɛ̂i ǹɔii ma dí ǹókwa nɔ́ yɛ̂ɛ berei mɛni nyɔ́mɔɔi è gɛ̀i ŋɔwuyɛ káa lai.

³ Da pɔ̂ri ǹókwâi a váai gîei buu náaŋ, kɛ́lɛ dífe dɛ̀ɛ naa ma. Da dɛ̀ɛ naa ma ƃáa-kula maa a pâi pâi ǹúui kpîŋ pɔ́.

⁴ “Káfe niŋa lá ɣiri tãi a kɛ̀ kámii-sãai tânii lai.

Mɛnii maa-nɛ̃ɛi í gɛ́ ílîa kpaa ílêɣe-surɔ̂ŋ saa pôlui

⁵ “À kɛ̀ lee-kaa kpaa máŋ naŋ-kaa tɔnɔ sinaa feerɛ da kɛ̀ kwaa tɔ̂nɔ ma dɔnɔ a sàa, ǹyaŋ da ŋɔnɛnîi dífe lóŋ da maa sɔlɔ ƃó ní, surɔ̂ŋ da kpɛ́ni fé ŋɔnɛnîi kula a nɛnî. É lɛ́ɛ nêɣe kpaa máŋ ǹîa-surɔ̂ŋ yêei.

⁶ Ǹóŋ surɔ̂ŋ maa-ŋuŋ da maa sɔlɔ ƃôi, fɛ̂ɛ dí zaa-nuui láa sée ma a gɛɛ ǹáa fé làŋ Eezuɛ lɔii su.

⁷ À kɛ̀ a wàla fáa é ǹeɣê kpaa ǹîa surɔ̂ŋ ŋɔnɛnîi kúla a nɛnî, ǹɛnîi a pâi liî ǹúu-pɔlɔ-ŋai pɔ́ naa daai ŋɔsiɣãŋ lá ǹyɛɛ diai, ‘Ŋásurɔ̂ŋ ǹeɣê kpaa ǹîa ǹyɛɛ va pɔ̂ri ḿû. Aâ fɛɣɛ díi mu maa nɛ̃ɛ̂i é gɛi a lóŋ maa sɔlɔ ƃóɔɔ zaa-nûui mɛni ma.’

⁸ À kɛ̀ tí ǹúu-pɔlɔ-ŋai da dòli dí lóno bɔ́. A kɛ̀ ǹyɛɛ vé pɔ̂rii fɔrɔ-fɔrɔ su, ve ŋ̀wɛ̂lii é ǹeɣê kpaa ǹîa surɔ̂ŋ ŋɔnɛnîi kúla a nɛnî,

⁹ ǹɛnîi a pâi liî zurɔ̂ŋ kpîŋ pɔ́ naa é ŋɔkpá-kpâlii dɔnɔ kula gɔ́ ŋá ǹúu-pɔlɔ-ŋai ŋɛ́i-tuɛ é ǹá-ya pú ŋ̀ɛ́i ǹyɛɛi, ‘Bere ƃé a kɛ̂ la a zurɔ̂ŋ nyii va pɔ̂ri ǹêɣe kpaa ǹîa-surɔ̂ŋ ŋɔkáa-laa ɣɛlii lá-tɔnii.’

¹⁰ É kúla maa tãi tí ma da pâi maa nuui ŋɔkáa-laai su-ƃelai tôlii a ‘ǹalôŋ dí wɔ́lɔ ŋɔkpá-kpâlii kùla gɔ́ɔ ŋái ŋɔnûai.’

Tɔ̂ŋ da kpɛ́ni-ŋa

¹¹ “À kɛ̀ kpakolo feerɛ da kɛ̀ kɔ̂i ǹúui dɔnɔ ŋɔnɛnîi é pá é pɛ́lɛ ǹúui ma da ŋɔsurɔ̂ŋ da kɔ̂i é ŋɔsinâa-sãai sóŋ,

¹² ka maa nɛnîi kpîŋ yée tée. Káfe ŋ̀ɛ́i malôŋ kàa.

¹³ “Káfe sɛŋ kɔɔŋ-kɔli feerɛ lɔ̀ kábɛ̂bɛ-ŋai su dɔnɔ wuyɛɛ dɔnɔ foɣâŋɔɔ.

¹⁴ Káfe sɛŋ-kɔɔŋ-kɔli feerɛ lâai kɛ̀ kápɛrɛ-ŋai mu dɔnɔ kɛ́tɛ dɔnɔ kuroteɛɛ.

¹⁵ Ka sɛŋ kɔɔ̂ŋ a teniŋ ƃô da tɔ̃yâ pere a gɛɛ káfulu-laai su é kôya ǹɔii ma Káɣâlai Yâwɛɛ a dɛɛ̂i kápɔi é ƃûu ƃó.

¹⁶ Ǹúui kélee a sɛŋ kɔ̂ɔŋ a wôya perei, m̀ɛlɛ kpɛɛ̂i Káɣâlai Yâwɛɛ koi.

Amɛlɛka-ŋai paa mɛni

¹⁷ “M̀ɛnii Amɛlɛka-ŋai dí gɛ̀ a káa berei su ka kɛ́ɛ kulâi Izei maa mɛnii kíli é lɛ́ɛ káŋa.

¹⁸ Tãi káfii è kɛ̀ a gbɛɛ lai, dí pɛ̀lɛ kâa dí diai kélee páa kɛ̀ kápôlu perei. Dífe kɛ́ ní yaôi Ɣâla ma.

¹⁹ Ka kpɛ̀ɛ a kákpɔara-ƃelai yée mɛi ɣáleɛɛ ká ǹɔii síɣe Káɣâlai Yâwɛɛ a dɛɛ kápɔi, káfe díta lɛɛ naa. Ka díkelee dí páa dímaa kîli-ŋa sia é kpɛ́ɛ kákili-ŋá ǹɔii ma.