Korɛntə dɔlɔɔ 11 - Bible

¹ Ka kɛ́ a ḿbɔkɔ̂ŋ-ƃela, yɛ̂ɛ berei ŋ́gaa la a Kôrai-pɔɔkɔ̂ŋ-nuui.

Nɛyâa ŋuŋ mɛi pɛlɛ-mɛni

² Ŋa kálaa maa tɛ̂i, kpɛ́ni fêi, ŋ́gili káa káŋa mɛni kélee su kakɛ dûa-pere-ŋai mɛi kaa, yɛ̂ɛ berei ŋa dítɛ̀ɛ la kápɔi.

³ Kɛ́lɛ, ŋa ŋ̀wɛ̂lii ka táre zu a gɛ́ɛ núu kélee ŋuŋ-tuɛ-nuu ƃa Kôrai, nɛnî ŋuŋ-tuɛ-nuu ƃa ŋɔsurɔ̂ŋ, Kôrai-nuu tuɛ-nuu ƃa Ɣâla.

⁴ Surɔ̂ŋ kélee a Ɣâla fɛli, kpaa máŋ gɛ Ɣâla woo ƃo a ŋuŋ mɛi pɛlɛɛi, m̀aa-nuui fa ƃaa kɛ́-maa tɛ̀ɛ ŋ̀uŋ pɔ,

⁵ kɛ́lɛ, nɛnîi nyíi kélee a ŋuŋ mɛi siɣe gɛ Ɣâla-woo ƃo, kpaa máŋ, gɛ Ɣâla fɛlii, va ƃaa kɛ́-maa tɛ̀ɛ ŋ̀uŋ pɔ-mɛni tɔnɔi nɔ́ ká ti, à kɛ̀ maa-nɛnîi ŋ̀uŋ ƃóɔi.

⁶ Kpɛ́ni fêi, à kɛ̀ nɛnîi a wàla ŋ̀uŋ mɛi pɛ́lɛ, gɛ̀ ní maa nɛ̃ɛ̂i é ŋuŋ-leɣa tée naa; kɛ́lɛ, à kɛ̀ gáa a ŋumɛ-mɛni nɛnîi ma a gɛ́ɛ é kɛ́ a ŋuŋ-kpolo-máŋ, gɛ̀ ní tɔɔ e kpasa pɛ́lɛ ŋ̀ûa.

⁷ Kpɛ́ni fêi, maa fe nɛ̃ɛ ni a gɛ́ɛ zurɔ̂ŋ e ŋ̀uŋ mɛi pɛ́lɛ tãi nɔ́ gáa la a Ɣâla ŋɔpɔɔkɔ̂ŋ da ŋɔfólo-laai; kɛ́lɛ, nɛnî káa a surɔ̂ŋ ŋɔfólo-laa.

⁸ Kpɛ́ni fêi, dífe surɔ̂ŋ kpɛtɛ ni é kúla nɛnî kponôi, kɛ́lɛ, dí nɛnî kpɛ̀tɛ é kúla surɔ̂ŋ kponôi.

⁹ Dífe surɔ̂ŋ kpɛtɛ ni nɛnî maa-mɛni ma, kɛ́lɛ, dí nɛnî kpɛ̀tɛ surɔ̂ŋ maa-mɛni ma.

¹⁰ Mɛni ƃe fɛ̂ɛ nɛnî e kpasa pɛlɛ la ŋ̀ûa a ƃaa kɛ́-maa Ŋ̀âla-taa-kela-ŋai ŋɛ́i.

¹¹ É máŋ kɛ́ ti, Kúnuu-namui kponôi, nɛnî fa kɛ̂ surɔ̂ŋ ŋɛ́i pôlu, surɔ̂ŋ ǹyaŋ fa kɛ̂ nɛnî ŋɛ́i pôlu;

¹² kpɛ́ni fêi, berei nɔ́ dí nɛnî kpɛ̀tɛ la surɔ̂ŋ kponôi, bere nɔ́ ƃe nɛnî ǹyaŋ a nâa surɔ̂ŋ maa sɔlɔ ƃô la. Ǹyaŋ mɛnii ŋí kélee a kûla Ɣâla yêei.

¹³ Ka mɛnii ŋí ŋá tée káa kpîŋ. Ǹɛ́lɛɛ̂i nɛnî e Ɣâla fɛli a ŋ̀ûa-folo?

¹⁴ Ŋ̀éniɛi ŋí kpîŋ fa pɔ̂ri ńɛ̂i káa a gɛ́ɛ surɔ̂ŋ a ŋuŋ-leɣa sèe a goya gáa ma a ŋumɛ mɛni,

¹⁵ kɛ́lɛ, à kɛ̀ nɛnî ŋuŋ-leɣa à kɛ̀ a goya, gáa maa a lii-nɛ̃ɛ mɛni? Kpɛ́ni fêi, Ɣâla e ŋuŋ-leɣa tɛ̀ɛ bɔ a gɛ́ɛ e ŋ̀uŋ mɛi pɛlɛ.

¹⁶ À kɛ̀ núu da káa nyíŋi maa-sia toôi, kúfe tua-pere da kpɛni kɔlɔŋ, kpaa máŋ Ɣâla-toli-kpɔŋ-ŋai dífe tua-pere da kpɛni kɔlɔŋ.

Ǹúu-namui Ŋɔmii-sɛŋ Maa-waai

¹⁷ Kɛ́lɛ, à kɛ̀ a mɛni-ŋai ŋí ŋa pâi môi kâai, fa pɔ̂ri kálaa maa tɛ̂i zu, kpɛ́ni fêi, káfa pâ kákîe-ni dîa mɛni lɛ́lɛɛ mɛni ma, kɛ́lɛ, ka pâ kákîe dîa nɔ́ mɛni nyɔ́mɔɔ mɛni ma.

¹⁸ Kpɛ́ni fêi, maa-ŋuŋ tãi ka kpɔ̀ŋ la kákîe ma yɛ̂ɛ Kôrai-toli-kpɔŋ su-ƃelai, ŋa mɛni a gɛ́ɛ ŋa-kɔlɛ káa káloai; kɛ́lɛ, ŋá làa a da,

¹⁹ kpɛ́ni fêi, fɛ̂ɛ nɔ́ ŋa-kɔlɛ e kɛ́ káloai a gɛ́ɛ diai díkaa a dɔ̃yâ-ƃelai dí díkɔlɔŋ.

²⁰ Kà kòyaŋ Kúnuu-namui ŋɔmii-sɛŋ fei ka mii.

²¹ Kpɛ́ni fêi, kà kɛ̀ kálaa miî, káfa kákîe-ni maa kpɛŋ, ǹúui da-ni da dílaa mii tuɛ, da-ni puru e lɛ́ɛ dîa, da-ni lɔɔ kpeleɛ dîɛ.

²² Le ƃe! Pɛ́rɛ fe káyêei a gɛ́ɛ ka kálaa míi mu ka kákpele naa? Kpaa máŋ, ka káŋɛi nàɣîŋ Ɣâla-toli-kpɔŋ mɛi, ká gôlo-ƃelai ŋɛi maa yéŋ? Ŋa pâi kɛ̂i le kâa? Ŋa pâi kálaa maa tɛ̂i nyíŋi su? Kpao, fe pâi gɛ̂i.

Zîsɛ è Mii-sɛŋ Maa-waai see

²³ Kpɛ́ni fêi, zɛŋ ŋa dɛ̀ɛ kápɔi, ŋa zɔlɔ ƃô máŋ Kúnuu-namui yêei, a gɛ́ɛ Kúnuu-namui Zîsɛ gbínii dí gɔ̀lɛ lai, è kpólo sìɣe,

²⁴ tãi e sɛɣɛi-fei tɛ̀ɛ lai, e zu ɣale, ǹyɛɛi, “Ŋ́gbonôi ká ŋí nyíi gáa kámɛni mai. Ka nyíŋi kɛ́ ŋ́gili é lɛ́ɛ kákili-ŋá.”

²⁵ Bere-sii tɔnɔi ti nɔ́ ƃe e gbele-kɔɛi siɣe la dí kpɛɛ a dílaa-miɛɛ, ǹyɛɛi, “Gbele-kɔɛi ŋí káa a Gbanaŋ-woo Kɛɛ Ninai ŋ́ãai su. Ka nyíŋi kɛ́, tãi nɔ́ ka kákpele la zui, ŋ́gili é lɛ́ɛ káŋa.”

²⁶ Kpɛ́ni fêi, tãi nɔ́ ka gbóloi ŋí mìi la, ká kákpele gbele-kɔɛi ŋí sui, kákaa Kúnuu-namui ŋɔsaai maa mɛ̂ni ƃôi é lɛ́ɛ la zu é pá.

Mii-sɛŋ maa waai miɛɛ pere-sii nyɔ́mɔɔ su

²⁷ Mɛni ma, ǹúui nyíi kélee a gbóloi mii, kpaa máŋ e gbele Kúnuu-namui ŋɔkpele-kɔɛi su pere-sii nyɔ́mɔɔ sui, maa-nuui a sɔnyɔ̂ŋ kɛ́ a Kúnuu-namui ŋɔkponoi da ŋɔŋãai, ǹyaŋ gɛ̀ ní maa-mɛnii a lɛɛ ma.

²⁸ Tɔɔ núu kélee é gbîŋ maa kpɛ̂ɛ é lɛ́ɛ pâi gbóloi miî e gbele gbele-kɔɛi su.

²⁹ Kpɛ́ni fêi, ǹúui a mìi e gbele va gàa a Zîsɛ ŋɔkponoi, gɛ̀ ní maa-nuui a mɛni lɛ́ɛ gbîŋ ma.

³⁰ Mɛni ƃe kata-ni káfii kpɛɛ̂i la kakɛ kɔlɛ, kata-ni kata-ni kákɛ sàa.

³¹ Kɛ́lɛ, à kɛ̀ kwà kúkpîŋ maa kpɛ̂ɛ a tɔ̃yâ, gɛ̀ ní dífe pâi kúmɛnii ŋá teêi.

³² Kɛ́lɛ, Kúnuu-namui à kúmaa-mɛni ŋá tèe, gɛ̀ ní a kúlia-woo ƃó a gɛ́ɛ tãi da pâi tɔ̂ŋ pûi la ŋ̀éniɛi su-ƃelai diai, dífe tɔ̂ŋ pu kûa.

³³ Mɛni ma, ŋánûa, kà pà kálaa miî gîe ma, ka kákîe-ni maa kpɛ́ŋ

³⁴ puru à kɛ̀ núu da kélee kɛ̀i, e ǹáa mìi ŋɔpɛ́rɛi mu-a gɛ́ɛ káfè pà nɔ́ kákîe-ni ma a gɛ́ɛ dí tɔ̂ŋ pu kâa. À kɛ̀ a mɛni kpeli-ŋai, ŋà pà ŋa pâi dísu kpɛtɛ̂i.