Kɔlɔnikɔ Maa-ŋuŋ 8 - Ŋ̀âla Kɔlɔ Maa Waai

Bɛŋsima ŋɔsuui

¹ Bɛŋsima ǹônii-sinaai díkɛ̀ lɔ́ɔlu. Dílaa ká ŋí yɛ̂ɛ berei dímaa sɔlɔ ƃó pere káa lai: Bela, Asibɛɛ, Aara,

² Nôɣa da Lafa.

³ Bela ŋɔsuui su-ƃelai ƃé kɛ̀ a Adaa, Gera, Abiuu,

⁴ Aƃisua, Neemaŋ, Aoa,

⁵ Gera, Sifufaŋ da Uraŋ.

^6-7 Ɛwuu ŋɔsuui su-ƃelai ƃé kɛ̀ a Neemaŋ, Aiza da Gera. Dia ƃé kɛ̀ a dínuu-suu-ŋai kɛ̀ Giƃa láa túɛ-ƃela. Dí ǹûai ŋí sòŋ a kɔ sôŋ-ŋa dí lí a dia Manaa. Uza ǹâŋ Gera ƃé kɛ̀ dílaa túɛ kɔ-soŋ perei su. Ǹônii-sinaai láa ƃé kɛ̀ a Uza da Aiyu.

⁸ Saɣaraiŋ è wɔ́lɔ ŋɔnɛyâa feerɛi, Usiŋ da Baara lɛ̀ɛ gɛ́ɛ kɛ̀ Môa lɔii sui.

⁹ Naa pôlu ma, è Odɛsi kùla a nɛnî da ǹyaa dí lônii-sinaa lɔ́ɔlu mɛi feerɛ maa sɔlɔ ƃó. Dia ƃé kɛ̀ a Zoba, Zibia, Mesa, Maakaŋ,

¹⁰ Zeuzi, Sakia da Miɛma. Ǹônii-sinaai kélee díkɛ̀ a núu láa túɛ-ƃela dínuu-suui su.

¹¹ Saaraŋ è ŋɔ́nɔ lônii-sinaa feerɛ maa sɔlɔ ƃô Usiŋ ma. Dia ƃé kɛ̀ a Abitu da Ɛɛpaa.

¹² Ɛɛpaa ǹônii-sinaai díkɛ̀ saaƃa: Ibɛ, Misiŋ da Simɛ. Simɛ ƃé wɔ́lɔ Ono da Lo taa-lêe-ŋai tɔ̀ɔ da naa kɔlɛ ma kpanaŋ-ŋai.

Bɛŋsima ŋɔsuui su-ƃelai kɛ̀ Gâa da Aizalɔŋ

¹³ Bɛria da Sima díkɛ̀ dínuu-suu-ŋai kɛ̀ Aizalɔŋ láa-tuɛ. Dia ƃé ǹûai kpɛ̀ díseɛɛ è kɛ Gaai.

¹⁴ Bɛria ŋɔsuui su-ƃelai ƃé kɛ̀ a Aio, Sasa, Zeremɔ,

¹⁵ Zebadaya, Aradi, Ɛdɛ,

¹⁶ Makɔɔ, Isipa da Zoɣa díkɛ a Bɛria ǹônii sinaa.

Bɛŋsima ŋɔsuui su-ƃelai kɛ̀ Zerusâlɛŋ

¹⁷ Ɛɛpaa ŋɔsuui nyíi kɛ̀ Zerusâlɛŋ zu-ƃelai ƃé kɛ̀ a Zebadaya, Mɛsulaŋ, Izilia, Ɛbɛ,

¹⁸ Isimerai, Iziliya da Zoba.

¹⁹ Simei ŋɔsuui su-ƃelai ƃé kɛ̀ a Zakiŋ, Zikari, Zadí,

²⁰ Ilienai, Zilɛtai, Iliɛ,

²¹ Adaia, Biraya da Siŋra.

²² Sasa ŋɔsuui su-ƃelai ƃé kɛ̀ a Isipaŋ, Ibɛ, Iliɛ,

²³ Aƃidɔŋ, Zikari, Anaŋ,

²⁴ Ananaya, Elaŋ, Aaŋtotiza,

²⁵ Ifideiya da Pɛnuɛ

²⁶ Zɛroaŋ ǹônii-sinaai ƃé kɛ̀ a Saŋserai, Seɣaraiya, Atalia,

²⁷ Zaaresiya, Ilaiza da Zikari

²⁸ Ǹûai ŋí ƃé kɛ̀ a Zerusâlɛŋ-ƃelai dínûa pɔlɔ-ŋai láa túɛ-ƃelai, yɛ̂ɛ berei dínuu suu-ŋai díkɛ̀ lai.

Bɛŋsima ŋɔsuui su-ƃelai kɛ̀ Gibiɔŋ da Zerusâlɛŋ

²⁹ Zeiɛ ƃé Gibiɔŋ taa-lêei tɔ̀ɔ é sée naa. Ŋɔnɛnîi láa ƃé kɛ̀ a Maaka.

³⁰ Ǹóŋ duɛ-tuɛi láa ƃé kɛ̀ a Aƃidɔŋ. Ǹêɣe-ni ƃé kɛ̀ a Zuɔ, Kesi, Bêe, Nɛ̂ɛ, Nada,

³¹ Gidɔ, Aio, Zɛdikaya,

³² da Mikilɔ nyíi kɛ̀ a Simiaa ǹâŋ. Dia máŋ díseɛɛ è kɛ̀ Zerusâlɛŋ dísuui su kaayɔɔ-ŋai da kpɛ́ni-ŋa kɔlɛ ma.

Gâloŋ Sɔ̂ɔ ŋɔkáa-laai

³³ Nɛ̂ɛ ƃé kɛ̀ a Kesi ǹâŋ, Kesi ƃé kɛ a Gâloŋ Sɔ̂ɔ ǹâŋ. Sɔ̂ɔ ǹyaŋ è lônii-sinaa náaŋ maa sɔlɔ ƃo. Dia ƃé kɛ̀ a Zonetaŋ, Maakisua, Abinada da Ɛsi-bêe.

³⁴ Zonetaŋ ǹóŋ-surɔŋ ƃé kɛ̀ a Meri-bêe. Meri-bêe ǹoŋ-surɔŋ ƃé kɛ̀ a Maka.

³⁵ Maka ǹônii-sinaai díkɛ̀ náaŋ: Pitɔŋ, Milɛsi, Taaria da Eeazi.

³⁶ Eeazi è kɛ̀ a Zeoada ǹâŋ, Zeoada kɛ́ ƃò a Alemɛ, Azimavɛ da Ziŋri dínâŋ. Ziŋri ǹyaŋ ǹóŋ-surɔŋ kɛ̀ ƃò a Moza.

³⁷ Moza è kɛ̀ a Binea ǹâŋ, Binea kɛ́ ƃò a Lafa ǹâŋ, Lafa kɛ́ ƃò a Ileaza ǹâŋ, Ileaza ǹyaŋ gɛ́ ƃò a Azɛ ǹâŋ.

³⁸ Azɛ ǹônii-sinaai díkɛ̀ lɔ́ɔlu mɛi-da: Azirikaŋ, Bokɛru, Isimai, Siaria, Obadaya da Anaŋ.

³⁹ Azɛ ǹêɣe Ɛsiki ǹônii-sinaai díkɛ̀ saaƃa: Ulaŋ, Zeusi, da Ilifelɛ.

⁴⁰ Ulaŋ ǹônii-sinaai díkɛ̀ a kɔ-kuluƃa wála-walaa líi kpeleɛɛ. Dí kɛ̀ kpɔ́ a kerâŋ pili-ƃela lɛ́lɛɛ-ŋa. Ǹônii da díwɔ̂ lonii-sinaai kélee bu gîe ma è kɛ̀ a núu ŋuŋ tɔnɔ pôlu buu lɔ́ɔlu (150). Ǹûai ŋí kélee ƃé kɛ̀ a Bɛŋsima ŋɔsuui.