Kɔlɔnikɔ Maa-ŋuŋ 6 - Ŋ̀âla Kɔlɔ Maa Waai

Liiva ŋɔsuui su-ƃelai

¹ Liiva ǹônii-sinaai ƃé kɛ̀ a Gɛsɔŋ, Koa, da Melali.

² Koa ǹônii-sinaai ƃé kɛ̀ a Amaraŋ, Iza, Iburɔŋ da Uziɛ.

³ Amaraŋ ǹônii-sinaai ƃé kɛ̀ a Eelɔŋ, Mose, da Meriaŋ. Eelɔŋ ǹônii-sinaai láa ƃé kɛ̀ a Nada, Abiu, Ilieza, da Itama.

⁴ Ilieza è kɛ̀ a Fineɣa ǹâŋ, Fineɣa kɛ́ ƃò a Aƃisua ǹâŋ.

⁵ Aƃisua è kɛ̀ a Bukii ǹâŋ, Bukii kɛ́ ƃò a Uzii ǹâŋ.

⁶ Uzii è kɛ̀ a Zeraya ǹâŋ, Zeraya kɛ́ ƃò a Mɛraiɔ ǹâŋ.

⁷ Meraiɔ è kɛ̀ a Amaria ǹâŋ, Amaria kɛ́ ƃò a Aitu ǹâŋ.

⁸ Aitu è kɛ̀ a Zadɔ ǹâŋ, Zadɔ kɛ́ ƃò a Aimazi ǹâŋ.

⁹ Aimazi è kɛ̀ a Azaria ǹâŋ. Azaria kɛ́ ƃò a Zoanaŋ ǹâŋ.

¹⁰ Zoanaŋ è kɛ̀ a Azaria ǹâŋ. Azaria ƃé wɔ́lɔ kɛ̀ a zâla-laa soŋ-nuui Ŋ̀âla-pɛrɛi Kɛ́tɛi mu Saloma è dɔ̀ɔ Zerusâlɛŋ.

¹¹ Azaria è kɛ̀ a Amaria ǹâŋ, Amaria kɛ́ ƃò a Aitu ǹâŋ.

¹² Aitu è kɛ̀ a Zadɔ ǹâŋ, Zadɔ kɛ́ ƃò a Saluŋ ǹâŋ.

¹³ Saluŋ è kɛ̀ a Ɛɛkea ǹâŋ, Ɛɛkea kɛ́ ƃò a Azaria ǹâŋ.

¹⁴ Azaria è kɛ̀ a Seraya ǹâŋ, Seraya kɛ́ ƃò a Ziozada ǹâŋ.

¹⁵ Dí Ziozada sòŋ gɔ́i su a tãi Yâwɛɛ è wɔ́lɔ lì la a Zuda da Zerusâlɛŋ kɔ-sôŋ-laai Galoŋ Nɛbukinaza ŋɔkâloŋ-laa koraŋ su.

Liiva ŋɔsuui kpéli-ŋai

¹⁶ Liiva ǹônii-sinaai láa ƃé kɛ̀ a Gɛsɔŋ, Koa, Melali.

¹⁷ Gɛsɔŋ ǹônii-sinaai láa ƃé kɛ̀ a Libini da Simei.

¹⁸ Koa ǹônii-sinaai láa ƃé kɛ̀ a Amaraŋ, Iza, Iburɔŋ da Uziɛ.

¹⁹ Melali ǹônii-sinaai láa ƃé kɛ̀ a Maali da Musi. Nyiŋi pôlu ma, diai ŋí ƃé kɛ̀ a Liiva ŋɔsuui yɛ̂ɛ berei dísuui láa é pîlaŋ la dínâŋ ni diai.

²⁰ Gɛsɔŋ ǹônii-sinaai ƃé kɛ̀ a Libini, Zaɛ da Zima,

²¹ Zoa, Ido. Zera da Zeatɛrai.

²² Koa ǹônii-sinaai ƃé kɛ̀ a: Aminɛda, Koa, da Asiɛ,

²³ Ɛɛkena, Ibiasa, Asiɛ,

²⁴ Tâɣa, Uriɛ, Uzia da Sau.

²⁵ Ɛɛkena ǹônii-sinaai ƃé kɛ̀ a Amasai da Aimɔ.

²⁶ Aimɔ ǹônii-sinaai ƃé kɛ̀ a: Ɛɛkena, Zofai, Nata,

²⁷ Ilia, Zɛroaŋ da Ɛɛkena.

²⁸ Samia ǹônii-sinaai maa ŋuŋ ƃé kɛ̀ a Zooɛ, veerɛ ɣelei ƃé kɛ̀ a Aƃiza.

²⁹ Melali ǹônii-sinaai ƃé kɛ̀ a: Maali, Libini, Simei, Uza,

³⁰ Simia, Aagia da Asaya.

Ŋ̀âla-pɛrɛ Kɛ́tɛi mu wule too-ƃelai

³¹ Deeƃé kɛ́ɛ a pá a Gono-tee Gãlai Yâwɛɛ ŋɔpɛ́rɛ kɛ́tɛi mui pôlu ma è ǹûai ŋí ní siɣe a gɛ́ɛ díkɛ wule tòo naa.

³² Da kâa kɛ̀ wule tôoi naa Zua-kɔlɔ-seɣe pɛrɛi mu ŋɛ́i-tuɛ gɔyâŋ too kwaai ma é lɛ́ɛ la zu ǹyaa Gâloŋ Saloma é Yâwɛɛ ŋɔpɛ́rɛi tɔ́ɔ Zerusâlɛŋ. Da kâa dítii kɛ̀ a gɛ̀ tãi yɛ̂ɛ berei è kɛ̀ lai.

³³ Zinâai ŋí ƃe da kâa kɛ̀ ŋ̀ule-ŋai tôoi da dílônii. Ǹûai kùla Koa ŋɔsuui su kolii sui ƃé kɛ̀ a: Zooɛ ǹóŋ Emaŋ. Ǹyaa ƃé kɛ̀ ŋ̀ule too nuu-kpului maa-ŋuŋ láa tuɛ. Ŋɔkáa-laa ɣɛlii pîlaŋɔɔi Zeeka ŋ̀ɔi ma bere sîi ŋí su: Diai gáa-laai ŋí sui ƃa ǹyaa Emaŋ, Zooɛ, Samia

³⁴ Ɛɛkena, Zɛroaŋ, Iliɛ, Tôa ǹóŋ.

³⁵ Zɔfi, Ɛɛkena, Mâa, Amasai.

³⁶ Ɛɛkena, Zooɛ, Azaria Zɛfɛnâya

³⁷ Tâɣa, Asiɛ, Ibiasa, Kora,

³⁸ Iza, Koa, Liiva da Zeeka.

³⁹ Asafa ƃé kɛ̀ a ŋ̀ule too nuu-kpului veerɛi láa túɛ. Ŋɔkáa-laai pîlaŋɔɔi Liiva ŋ̀ɔi ma bere sîi ŋí su. Zu-ƃelai ƃa: Asafa, Berekaya, Simia,

⁴⁰ Makɔɔ, Ba-aseia, Maakiza,

⁴¹ Ɛtini, Zera, Adaia.

⁴² Ɛtaŋ, Zima, Zima, Simei,

⁴³ Zaɛ, Gɛsɔŋ da Liiva.

⁴⁴ Melali kolii su nuui Kesi ǹóŋ Ɛtaŋ ƃé kɛ̀ ŋ̀ule too nuu-kpului zaaƃai láa túɛ. Ŋɔkáa-laai pîlaŋɔɔi Liiva ŋ̀ɔi ma bere sîi ŋi su. Zu-ƃelai ƃa: Ǹyaa Itaŋ, Kisi, Abidi, Malusi,

⁴⁵ Asaƃia, Amazia, Ɛɛkea.

⁴⁶ Aŋzi, Bani, Simiɛ.

⁴⁷ Maali ǹóŋ. Musi, Melali da Liiva.

⁴⁸ Díkaa-yɔɔ-ŋai kɛ̀ a Liiva ŋɔsuui su-ƃelai gbêli-ŋai ƃé kɛ̀ dii-ŋai kélee kɛ̂i Ɣâla ŋɔsua-kɔlɔ seɣe pɛrɛi mu.

Eelɔŋ ŋɔsuui su-ƃelai

⁴⁹ Eelɔŋ da ǹônii-sinaai díwɔ̂ tîi ƃé kɛ̀ dí géreŋ sala-ŋai kúla gereŋ sala ɣala-teƃelei ŋá da géreŋ sɛŋ kúŋ nɛ̃ɛ ɣâla teƃelei ŋá. Dia ƃa kâa dii-ŋai kélee kɛ gwaa mâ waai ŋɔkwaa ma waai ma. Dia ƃa kâa Eezuɛ-ŋai maa sâla kula a gɛ́ɛ Ɣâla é dísu-mɛn lɛɛ yɛ̂ɛ berei ǹyaa Ɣâla ŋɔtíi kɛ́-ǹúui Mose è wɔ́lɔ mò la dîai.

⁵⁰ Diai ŋí ƃé kɛ̀ a Eelɔŋ ǹônii-sinaai: Ilieza, Fineɣa, Aƃisua,

⁵¹ Bukii, Uzii, Zeraya

⁵² Mɛraiɔ, Amaria, Aitu,

⁵³ Zadɔ da Aimazi.

⁵⁴ Dí lɔii tɛ̀ɛ Eelɔŋ ǹônii-sinaai pɔ́ kɛ̀ a Koa kolii. Ǹɔii-kpiniŋ kɛ̀ naa Liiva-ŋai mɛni mai dia ƃé m̀aa-ŋuŋ sɔlɔ ƃò.

⁵⁵ Dí Iburɔŋ lɔii kpiniŋ kɛ̀ Zuda kpiniŋ sui tɛ̀ɛ dípɔ da naa kɔlɛ ma.

⁵⁶ Díi kɛ́ kwaai ma kɛ̀ daa-lêei da gbanâŋ-ŋai lá kɔlɛ mai naa tɛ́ɛ Zefunɛ ǹóŋ Kalee pɔ́.

⁵⁷ Dí ŋ̀uŋ-ma-ƃo taa-lêe-ŋai ŋí tɛ̀ɛ Eelɔŋ ǹônii-sinaai pɔ́. Dîa ƃa: Iburɔŋ, Lebina, dítii-kɛ lɔii-ŋai, Zatiɛ, Ɛsitimo da dítii-kɛ lɔii-ŋai.

⁵⁸ Dí ŋɔ́nɔ Ileŋ da ǹaa tii kɛ́ lɔɔi é pɛlɛ Dibɛ da ǹaa tii kɛ́ lɔɔi tɛɛ dípɔ.

⁵⁹ Dí Asaŋ da naa tii kɛ́ lɔɔi é pɛ̀lɛ Bɛɛsimɛɛ da naa tii kɛ́ lɔɔi ma dí dɛ̀ɛ dípɔ máŋ.

⁶⁰ Dí Giƃa da naa tii kɛ́ lɔii, Alemɛ da naa tii kɛ́ lɔii da Anatɔ da naa tii kɛ́ lɔii tɛ̀ɛ dípɔ é kula Bɛŋsima ŋɔsuui su-ƃelai dí lɔii su. Daa-leei dí dɛ̀ɛ dípɔ̂i gélee è kɛ̀ a taa-lêe puu-káo saaƃa díkaa-yɔɔ-ŋai mɛni.

⁶¹ Dí lɔii-kpîniŋ-ŋa tɛ̀ɛ Koa ŋɔsuui su-ƃelai pɔ́naa é kúla ǹuu-suui gbêli-ŋai dílɔii su da Manasɛ ŋɔsuui su-ƃelai díwɔ̂i. Daa-ŋai dí zɔlɔ ƃoi gélee bu gîe ma è kɛ̀ a taa-lêe puu.

⁶² Dí taa-lêe puu-káo saaƃa tɛ̀ɛ Gɛsɔŋ ŋɔsuui su-ƃelai pɔ́. Daa-ŋai ŋí díkɛ Isaka, Asɛ, Nɛfɛtɛli da Manasɛ ŋɔsuui gbuai kpéli ŋɔlɔii ma kɛ̀ Basãŋ.

⁶³ Dí taa-lêe puu-káo feerɛ tɛ̀ɛ Melali ŋɔsuui su-ƃelai pɔ́. Daa-lee-ŋai ŋí díkɛ Lubiŋ, Gâa da Zɛbulɔŋ dínuu-suu-ŋai sáma.

⁶⁴ Eezuɛ-ŋai dí taa-lêe-ŋa da naa tii kɛ́ lɔɔ-ŋai tɛɛ Liiva ŋɔsuui su-ƃelai pɔ́.

⁶⁵ Dí ŋɔ́nɔ lɔii-kpiniŋ-ŋa tɛ̀ɛ dípɔ é kúla Zuda, Simiɔŋ da Bɛŋsima dísuui su-ƃelai dílɔii-kpîniŋ su a tɛɛ-ŋa. Daa-lêe-ŋai ŋí ká tí dílaa pɔ̃yɛɛi.

⁶⁶ Dí taa-lêe da ni tɛɛ Koa ŋɔsuui su-ƃelai pɔ́ kɛ̀ Ifiraŋ ŋɔsuui sui.

⁶⁷ Dí ŋ̀uŋ-ma ƃo taa-lee-ŋai ŋí tɛ̀ɛ dípɔ ǹyée lɔii su Ifiraŋ lɔii-kpiniŋ ma da naa tii-kɛ lɔɔ-ŋai. Daa-ŋai kpîŋ ƃé kɛ a: Sɛkɛŋ nyíi kɛ̀ ŋɔsuui su da Gesɛi,

⁶⁸ Zomeaŋ, Bɛorɔŋ,

⁶⁹ Aizalɔŋ da Ga Limɔŋ.

⁷⁰ Dí Anɛ da Bileaŋ kɛ̀ Manasɛ ŋɔsuui gbua dɔnɔ sui tɛ̂ɛ máŋ dípɔ da naa tii kɛ́ lɔɔ-ŋai.

⁷¹ Gɛsɔŋ ŋɔsuui su-ƃelai dí ŋuŋ-ma ƃo taa-lêe-ŋai ŋí da naa tii kɛ́ lɔɔ sɔlɔ ƃô é kula Manasɛ ŋɔsuui gbua tɔnɔ yêei. Daa-ŋai kpîŋ ƃé kɛ̀ a Golaŋ nyíi kɛ Basãŋ kpiniŋ sui da Asitarɔ.

⁷² Dí Kedɛ da Dabɛra tɛ̀ɛ dípɔ Isaka ŋɔsuui su-ƃelai dílɔii su,

⁷³ Lemɔ da Anɛŋ,

⁷⁴ Asɛ ŋɔsuui su-ƃelai dílɔii su, dí Masaa da Aƃidɔŋ tɛɛ dípɔ é pɛlɛ naa tii kɛ́ lɔɔi mâ.

⁷⁵ Dí Ukɔ da Libɔ tɛ̀ɛ dípɔ é pɛ́lɛ naa tii kɛ lɔɔi ma.

⁷⁶ Nɛfɛtɛli ŋɔsuui su-ƃelai dílɔii ma: Dí Kedɛ nyíi kɛ̀ Galalii tɛ̀ɛ dípɔ, Amɔŋ é pɛlɛ Kiliataiŋ ma da naa tii kɛ́ lɔɔ-ŋai.

⁷⁷ Dí daa-lee-ŋai ŋí tɛ̀ɛ Melali ŋɔsuui su-ƃelai gbeli-ŋai pɔ́. Dí ǹɔii-kpîniŋ ŋí kùla Zɛbulɔŋ ŋɔsuui su-ƃelai dílɔii ma. Daa-lêe-ŋai ŋí ƃa: Limɔno da Tabɔ da naa tii kɛ́ lɔɔ-ŋai.

⁷⁸ Dí Lubiŋ ŋɔsuui su-ƃelai dílɔii kɛ̀ Zɔdiŋ Ya-leei pôlu Zɛleko voloi kulâi-pere tɛ̀ɛ dípɔ, Bezɛ nyíi kɛ̀ vɛ̃ɛ-kpâlaŋ su taai, Zaza da naa tii kɛ́ lɔɔ-ŋai.

⁷⁹ Dí Kedemɔ da Mɛfaa tɛ̀ɛ dípɔ da naa tii kɛ́ lɔɔi.

⁸⁰ Dí gwaa-ŋai ŋí ma tɛ̀ɛ Gâa ŋɔsuui su-ƃelai pɔ́ dílɔii-kpîniŋ ma. Dia ƃa: Lemɔ nyíi kɛ Giliai da Maanaiŋ é pɛlɛ naa tìi kɛ́ lɔɔi mâ.

⁸¹ Dí Ɛsibɔŋ da Zazɛ tɛ̀ɛ dípɔ da nàa tii kɛ́ lɔɔi.