Kɔlɔnikɔ Maa-ŋuŋ 3 - Ŋ̀âla Kɔlɔ Maa Waai

Deeƃé ǹônii-sinaai

¹ Deeƃé ǹônii-sinaai è dímaa sɔlɔ ƃô Iburɔŋ dia ƃa: Amɔŋ, nyíi kɛ̀ a Deeƃé ǹóŋ duɛ-tuɛi. Ǹee láa ƃé kɛ̀ a Ainoaŋ. È kùla Zariɛɛ. Danîa ƃé kɛ̀ a ǹóŋ veerɛi. Ǹee láa ƃé kɛ̀ a Aƃigee. È kùla Kamɛɛ nuu suui su.

² Asalɔŋ ƃé kɛ̀ a ǹóŋ zaaƃai. Ǹee láa ƃé kɛ̀ a Maaka. È kɛ̀ a Gɛsɔ kaloŋ Taamai ǹóŋ-nɛni. Adoniza ƃé kɛ̀ a ǹóŋ ǹáaŋ. Ǹee láa ƃé kɛ̀ a Aagai.

³ Sifatia ƃé kɛ̀ a ǹóŋ ǹɔ́ɔlui. Ǹee láa ƃé kɛ̀ a Abita. Ituriaŋ ƃé kɛ̀ a ǹɔ́ɔlu mɛi dai. Ǹee ƃé kɛ̀ a Igila.

⁴ Ǹîa-pɛlɛɛ lɔ́ɔlu mɛi dai ŋí ƃé Deeƃé è dímaa sɔlɔ ƃò gɛ́ɛ kɛ̀ la a kâloŋ Iburɔŋ. È kɛ̀ gâloŋ-laai ŋí su a kóraŋ lɔ́ɔlu mɛi-feerɛ ɣáloŋ lɔ́ɔlu mɛi da. Naa pôlu ma, è ŋɔ́nɔ kɛ̀ a kâloŋ Zerusâlɛŋ a kóraŋ buu-saaƃa káo-saaƃa.

⁵ Ǹîa-pɛlɛɛi è dímaa sɔlɔ ƃô naai, dia ƃé kɛ̀ a: Simia, Soba, Netaŋ da Saloma. È ǹîa-pɛlɛɛ náaŋ ŋí maa sɔlɔ ƃô Amiɛɛ ǹóŋ-nɛnii Bɛɛsiba ma.

⁶ Naa pôlu ma, Deeƃé è ŋɔ́nɔ lóŋ-sinaa lɔ́ɔlu mɛi-náaŋ maa sɔlɔ ƃô. Dia ƃé kɛ̀ a: Iba, Ilasama, Ɛɛpele,

⁷ Noga, Nɛfɛŋ, Zafia,

⁸ Ilasama, Iliada da Ilifelɛ.

⁹ Diai ŋí ƃé kɛ̀ a Deeƃé ǹônii-sinaai, kúla nyii-ŋai pôlu è dímaa sɔlɔ ƃô ŋɔnɛyâa pɛlɛ-pɛlɛɛi diai. Dísaaƃɔlɔ láa ƃé kɛ̀ a Tama.

Gâloŋ Saloma ŋɔsuui

¹⁰ Saloma ƃé kɛ̀ a Leoboaŋ ǹâŋ, Leoboaŋ ƃé kɛ̀ a Aƃiza ǹâŋ. Aƃiza ƃé kɛ̀ a Asa ǹâŋ, Asa ƃé kɛ̀ a Zeosafa ǹâŋ, Zeosafa ƃé kɛ̀ a

¹¹ Zɛoraŋ ǹâŋ. Zɛoraŋ è kɛ̀ a Aɣazia ǹâŋ, Aɣazia kɛ́ ƃò a Zoasi ǹâŋ. Zoasi è kɛ̀ a

¹² Amazia ǹâŋ, Amazia kɛ́ ƃò a Azaria ǹâŋ, Azaria kɛ̀ ƃò a Zotaŋ ǹâŋ. Zotaŋ è kɛ̀ a

¹³ Eeazi ǹâŋ, Eeazi ƃé kɛ̀ a Ɛsekaya ǹâŋ. Ɛsekaya è kɛ̀ a Manasɛ ǹâŋ, Manasɛ kɛ́ ƃò a

¹⁴ Amɔŋ ǹâŋ. Amɔŋ è kɛ̀ a Zosaya ǹâŋ.

¹⁵ Zosaya ǹônii-sinaai: Zosaya ǹóŋ maa-ŋuŋ ƃé kɛ̀ a Zoanaŋ. Ǹêɣe láa ƃé kɛ̀ a Zɛoakiŋ. Zɛoakiŋ ǹêɣe ni ƃé kɛ̀ a Zɛdikaya da Saluŋ.

¹⁶ Zɛoakiŋ ǹônii-sinaai dí kɛ̀ feerɛ: Dílaa ƃé kɛ̀ a Zɛoasiŋ da ǹêɣe Zɛdikaya.

Gâloŋ Zɛoasiŋ ŋɔsuui su-ƃelai

¹⁷ Gâloŋ Zɛoasiŋ nyíi Babelɔŋ-ŋai dí wɔ́lɔ zòŋ gɔ́i sui, ǹônii-sinaai ƃé kɛ̀ a: Siatiɛ,

¹⁸ Maakiraŋ, Pidaya, Sinaza, Zekamia, Osáma da Nedabia.

¹⁹ Pidaya ǹônii-sinaai feerɛi ƃé kɛ̀ a: Zɛrubabɛɛ da Simei. Zɛrubabɛɛ ǹônii-sinaai ƃé kɛ̀ a Mɛsulaŋ da Ananaya. Silomi ƃé kɛ̀ a dísaaƃɔlɔ.

²⁰ Zɛrubabɛɛ ǹônii-sinaai da kpɛ́ni-ŋa díkɛ̀ naa máŋ. Díkɛ̀ a sinâa lɔ́ɔlu. Dílaa ƃé kɛ̀ a: Asuƃa, Oɛɛ, Berekaya, Asadia da Zusa Ɛsɛ.

²¹ Ananaya ŋɔsuui ƃé kɛ̀ a: Pelatia da Zesaya. Zesaya ƃé kɛ̀ a Lefaiya ǹâŋ, Lefaiya ƃé kɛ̀ a Aanaŋ ǹâŋ. Aanaŋ è kɛ̀ a Obadaya ǹâŋ, Obadaya ǹyaŋ gɛ́ ƃò a Sikania ǹâŋ.

²² Sikania ŋɔsuui su-ƃelai: Sikania ǹâŋ ƃé kɛ̀ a Simaiya. Simaiya ǹyaŋ ǹônii-sinaai díkɛ̀ lɔ́ɔlu. Dia ƃa: Atusi, Iga, Baria, Niaria da Safa. Sikania ŋɔsuui su-ƃelai díkɛ̀ a sinâa lɔ́ɔlu mɛi da.

²³ Niaria ǹônii-sinaai: Ɛlioenai, Izikaya da Azirikaŋ. Díkɛ̀ a sinâa saaƃa.

²⁴ Ɛlioenai ǹônii-sinaai: Odavia, Iliasi, Pilaiya, Aku, Zoanaŋ, Dilaiya, é pɛ́lɛ Anani ma. Díkelee díkɛ̀ a sinâa lɔ́ɔlu mɛi feerɛ.