Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

दहदर मंजका कत्‍था 10 - पुना गच्छरना NT (BSI)


मेर्ख़ा पैकस अरा सन्नी पुथी

1 फेन ऎन अउरिम ओन्टा सवंगिय मेर्ख़ा पैकासिन ओन्टा बदालिन झप्‍परस ती मेर्ख़ा ती एत्तना ईरकन, आसी कुक्कु मइय्याँ ओन्टा सोखाबोरा रहचा, अरा आसी मुंही बीड़ी लेक्‍खा रहचा, अरा आसी ख़ेड्डे चिच्‍ची ही खुटा लेक्‍खा रहचा।

2 आसी ख़ेक्खा नू ओन्टा चलख़रका सन्नी पुथी रहचा। अरा आस तंग्है तीना ख़ेड्डेन समुदर नू अरा डेब्‍बा ख़ेड्डेन ख़ॆख़ेल नू थमचस।

3 अरा आस लकड़ा हउकारना बेसे जॊरसरिया चिच्चियारस। अरा आस चिच्चियारस ख़ने, सात गोट बादाली मुर्रना तम्है ख़रख़ना ती कछनखरा।

4 अरा सात गोट बादाली मुर्रना कछनखरा ख़ने, ऎन अबड़न लिख'आ बेद्दा लिक्‍कन। लिकिन ऎन मेर्ख़ा ती ओन्टा सड़ा एन्ने ब'अना मेंजकन का, “सातियो बादाली मुर्रना एन्देर बाचा अबड़न मरका नना अरा अबड़न अमा लिख'आ।”

5 फेन एका मेर्ख़ा पैकासिन ऎन समुदर अरा ख़ॆख़ेल नू इज्‍जका ईरकन, आस तंग्‍है तीना ख़ेक्खन मेर्ख़ा तरा चॊदस,

6 अरा एकास हुल्‍लो ती हुल्‍लो गूटी उज्‍जदस, अरा नॆ मेर्ख़न अरा अइय्या र'अना उर्मिन, अरा ख़ॆख़लन अरा अइय्या र'अना उर्मिन, अरा समुदर आबोन अरा अइय्या र'अना उर्मिन गढ़चस, आसी नामे ती किरया मोक्‍खस ती बाचस, “अक्‍कु गा घड़ही ख़ापना मल मनो।

7 लिकिन सातवाँ मेर्ख़ा पैकास तंग्है पेंड़हेन ऊरना र'अस, अउला धर्मेसी नूख़्रका कत्‍था पुरा मनो। आस तंग्है जॊंख़र धर्मेसी कत्‍था तिंगुर गे तिंका लेक्खा अबड़ा पुरा मनो।”

8 फेन मेर्ख़ा ती ऎन मेंजका आ सड़ा अउर ओंग्होल एंग्‍है गने कछनखरा, “कला, एका मेर्ख़ा पैकस समुदर नू अरा ख़ॆख़ेल नू इज'आ लगदस, आसी ख़ेक्खा नू चलख़्रका र'अना आ पुथिन हो'आ कला।”

9 ख़ने ऎन मेर्ख़ा पैकस गुसन केरकन ती आ सन्नी पुथिन एंगा चि'आ बाचकन। अरा आस एंगन बाचस, “ओन्दा इदिन मॊख़ा चि'आ, एकदा निंग्‍है कूल गा ख़ड़ख़ा मनो, लिकिन निंग्‍है बई नू तीनी लेक्‍खा तीन'ओ।”

10 ख़ने ऎन आ सन्नी पुथिन मेर्ख़ा पैकासी ख़ेक्खा ती होच्‍चकन ती मोक्‍कन, आद एंग्‍है बई नू तीनी लेक्‍खा गा तीनचा, लिकिन नुलख़कन ख़ने एंग्‍है कूल ख़ड़ख़ा मंजा केरा।

11 फेन एंगा गे एन्ने बातारा, “नीन अउर हूँ नगदे आल खोंड़हा गुट्ठी, अरा राजी गुट्ठी, अरा भखा गुट्ठी, अरा बॆलर ही पत्त नू धर्मेसी कत्थन मुन्द तेंगना दिम र'ई।”

Kurux NT - पुना गच्छरना NT

Copyright © Bible Society of India, 2014.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ